जगातील भ्रष्ट देशांची रँकिंग जाहीर, भारताची एक स्थानाने सुधारणा, पाकिस्तानची 16 स्थानांनी घसरण, वाचा सविस्तर…

Ranking of corrupt countries in the world announced, India improved by one place, Pakistan dropped by 16 places, read in Details

Ranking of corrupt countries in the world : ‘ट्रान्सपरन्सी इंटरनॅशनल’ या जगप्रसिद्ध संस्थेने मंगळवारी ‘करप्शन परसेप्शन इंडेक्स’ (CPI) प्रसिद्ध केला. या निर्देशांकात जगातील 180 देशांचा समावेश करण्यात आला आहे. या देशांतील भ्रष्टाचाराच्या पातळीच्या आधारे त्यांची क्रमवारी लावण्यात आली आहे. CPI निर्देशांकानुसार, भारताने एक रँकिंग मिळवली आहे आणि अशा प्रकारे तो 180 देशांपैकी 85 व्या स्थानावर पोहोचला आहे. दुसरीकडे, पाकिस्तानची परिस्थिती अत्यंत बिकट झाली आहे. त्यांची कामगिरी सुधारण्याऐवजी खराब झाली आहे. या यादीत पाकिस्तान 124 वरून 140 व्या स्थानावर आला आहे. Ranking of corrupt countries in the world announced, India improved by one place, Pakistan dropped by 16 places, read in Details


वृत्तसंस्था

नवी दिल्ली : ‘ट्रान्सपरन्सी इंटरनॅशनल’ या जगप्रसिद्ध संस्थेने मंगळवारी ‘करप्शन परसेप्शन इंडेक्स’ (CPI) प्रसिद्ध केला. या निर्देशांकात जगातील 180 देशांचा समावेश करण्यात आला आहे. या देशांतील भ्रष्टाचाराच्या पातळीच्या आधारे त्यांची क्रमवारी लावण्यात आली आहे. CPI निर्देशांकानुसार, भारताने एक रँकिंग मिळवली आहे आणि अशा प्रकारे तो 180 देशांपैकी 85 व्या स्थानावर पोहोचला आहे. दुसरीकडे, पाकिस्तानची परिस्थिती अत्यंत बिकट झाली आहे. त्यांची कामगिरी सुधारण्याऐवजी खराब झाली आहे. या यादीत पाकिस्तान 124 वरून 140 व्या स्थानावर आला आहे.

पाकिस्तानचे पंतप्रधान इम्रान खान यांच्यासाठी हा एका मोठ्या धक्का आहे, कारण त्यांनी सत्तेत येण्यापूर्वी जनतेला भ्रष्टाचारमुक्त देश बनवण्याचे आश्वासन दिले होते. ट्रान्सपरन्सी इंटरनॅशनलने म्हटले आहे की, 2021 च्या जागतिक ‘भ्रष्टाचार धारणा निर्देशांक’ मध्ये पाकिस्तान 16 स्थानांनी घसरला आहे आणि 180 देशांपैकी 140 क्रमांकावर आहे. जागतिक भ्रष्टाचाराचा मुकाबला करण्यासाठी स्थापन करण्यात आलेल्या बर्लिनस्थित ना-नफा संस्थेने जारी केलेल्या अहवालात जगभरातील भ्रष्टाचाराची पातळी स्थिर असल्याचे म्हटले आहे. 86 टक्के देशांनी गेल्या 10 वर्षात फारशी प्रगती केलेली नाही.

पाकिस्तान, भारत आणि बांगलादेशची क्रमवारी

2021 च्या आवृत्तीत, ‘करप्शन परसेप्शन इंडेक्स’ (CPI) सार्वजनिक क्षेत्रातील भ्रष्टाचाराच्या त्यांच्या कथित स्तरांवर आधारित शून्य (अत्यंत भ्रष्ट) ते 100 (अत्यंत स्वच्छ) या स्केलवर 180 देश आणि प्रदेशांची क्रमवारी लावते. 2020 मध्ये, CPI मध्ये पाकिस्तानचे 100 पैकी 31 गुण होते आणि ते 180 देशांपैकी 124 व्या क्रमांकावर होते. ट्रान्सपरन्सी इंटरनॅशनलच्या मते, देशाचा भ्रष्टाचाराचा स्कोअर आता 28 वर आला आहे, तर निर्देशांकात एकूण 180 देशांपैकी 140 क्रमांकावर आहे. त्या तुलनेत भारताचा स्कोअर 40 असून तो 85व्या क्रमांकावर आहे. त्याच वेळी, बांगलादेशचा स्कोअर 26 आहे आणि तो 147 व्या स्थानावर आहे.

कोणते देश टॉपवर?

यंदाच्या यादीत डेन्मार्कने जगातील सर्वोत्तम कामगिरी केली असून तो पहिल्या क्रमांकावर आहे. त्याचबरोबर फिनलंड दुसऱ्या क्रमांकावर, न्यूझीलंड तिसऱ्या, नॉर्वे चौथ्या आणि सिंगापूर पाचव्या क्रमांकावर आहे. दुसरीकडे, सर्वात वाईट स्थिती दक्षिण सुदानची आहे आणि ते 180व्या क्रमांकावर आहे. त्याआधी सीरिया, सोमालिया, व्हेनेझुएला आणि येमेनचा क्रमांक लागतो. अहवालात म्हटले आहे की, भ्रष्टाचारविरोधी प्रयत्न वाढत आहेत आणि परिस्थिती बिकट होत आहे. तसे पाहता मानवी हक्क आणि लोकशाहीवर हल्लेही वाढत आहेत.

Ranking of corrupt countries in the world announced, India improved by one place, Pakistan dropped by 16 places, read in Details

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    वेदांत – फॉक्सकॉन सेमी कंडक्टर प्रकल्पाचे सर्वेसर्वा अनिल अग्रवाल यांचे महत्वाचे मुद्दे वनडे फॉरमॅटमधून ऑस्ट्रेलियन क्रिकेटर ॲरॉन फिंचची निवृत्ती भारत बनला 5वी सर्वात मोठी अर्थव्यवस्था