Mumbai Commissioner : पोलिसांचे नवीन BOSS ‘पांडेजी’ ! हेमंत नगराळेंची बदली ; संजय पांडे मुंबईचे नवे पोलीस आयुक्त !

By, madhavir agrawal - February 28, 2022 05:49:26

0

गेल्या आठवड्यात रजनीश सेठ यांची राज्याच्या पोलीस महासंचालकपदी नियुक्ती केल्यानंतर राज्य सरकारकडून आणखी एक मोठा निर्णय घेण्यात आला आहे. मुंबईच्या पोलीस आयुक्तपदी महाराष्ट्र राज्य सुरक्षा महामंडळाचे व्यवस्थापकीय संचालक संजय पांडे यांची नियुक्ती करण्यात आली आहे. तर हेमंत नगराळेंची संजय पांडे यांच्या जागेवर बदली करण्यात आली आहे.

विशेष प्रतिनिधी

मुंबईः राज्य सरकारकडून पोलीस दलात मोठे फेरबदल करण्यात आले असून, राज्य सुरक्षा महामंडळाची जबाबदारी दिलेल्या संजय पांडेंना बढती देण्यात आली आहे. संजय पांडेंची मुंबई पोलीस आयुक्तपदी नियुक्ती करण्यात आली.त्यांच्या जागी मुंबईचे विद्यमान पोलीस आयुक्त असलेल्या हेमंत नगराळेंची बदली झाली आहे. त्यांना राज्य सुरक्षा महामंडळाची जबाबदारी देण्यात आली आहे.Mumbai Commissioner: New Police BOSS ‘Pandeji’! Replacement of Hemant Nagarale; Sanjay Pandey new Mumbai Police Commissioner!

Sanjay Pandey has been appointed as new Mumbai Commissioner of Police; outgoing Mumbai CP Hemant Nagrale transferred: Maharashtra Govt pic.twitter.com/fg3Qp4NsUq

— ANI (@ANI) February 28, 2022

महाराष्ट्र सरकारने संजय पांडे यांची मुंबईचे नवे पोलीस आयुक्त म्हणून नियुक्ती केलीय. ते मुंबईचे विद्यमान पोलीस आयुक्त हेमंत नागराळे यांची जागा घेतील. मिळालेल्या माहितीनुसार, संजय पांडे सोमवारीच पदभार स्वीकारू शकतात. त्याचवेळी विद्यमान पोलीस आयुक्त हेमंत नागराळे यांची बदली करण्यात आलीय. “संजय पांडे यांची मुंबईचे नवे पोलीस आयुक्त म्हणून नियुक्ती करण्यात आली आहे. मुंबईचे माजी पोलीस आयुक्त हेमंत नागराळे यांची बदली करण्यात आली आहे,” अशा आशयाचं निवेदनही महाराष्ट्र सरकारने प्रसिद्ध केलंय.

संजय पांडे यांची कारकीर्द…

आयआयटी कानपूरमधून आयटी कम्प्युटरमध्ये इंजिनीअरिंगचं शिक्षण
1986 च्या बॅचमधील IPS अधिकारी
सर्वात आधी पुण्यात सहाय्यक पोलीस आयुक्त म्हणून पुणे शहरात कामाला सुरुवात
मग मुंबईतील डीसीपी रँकचे अधिकारी बनले
1992 मुंबई दंगलीदरम्यान धारावीमध्ये दंगल नियंत्रण आणि सामाजिक एकोप्यासाठी पहिल्यांदा मोहल्ला समितीची स्थापना
1992-93 दंगलीच्या वेळी केलेल्या चांगल्या कार्याचा उल्लेख श्री कृष्णा आयोगाच्या अहवालात आहे
मुंबईत चार हायप्रोफाईल पोलीस स्टेशन मिळून झोन 8 बनवलं, याचे पहिले डीसीपी संजय पांडे बनले. जवळपास तीन वर्षांचा कार्यकाळ पूर्ण केला
1993 मध्ये शिवसेना कार्यकर्त्यांच्या दादागिरीला लगाम लावला.
1995 मध्ये नार्कोटिक्स विभागाचे डीसीपी म्हणून शहरातील ड्रग्ज रॅकेटला आळा घातला
1997 इकॉनॉमिक ऑफेन्स विंगमध्ये असताना अभ्युदय बँक घोटाळा, चमडा घोटाळ्याचा तपास करुन भ्रष्टाचाराचा उलगडा केला.
1998 मध्ये पुढील शिक्षणासाठी हॉवर्ड विद्यापीठात गेले, पदव्युत्तर शिक्षण घेतलं.
1999 मध्ये SPG मध्ये असताना माजी पंतप्रधान अटल बिहारी वाजपेयी यांच्या सुरक्षेत तैनात होते
2001 मध्ये राजीनामा दिला, परंतु तो मंजूर केला नाही, प्रकरण कोर्टात गेलं.
2005 मध्ये सेवेत पुन्हा आले आणि कारकीर्दीतील 20 वर्षांच्या सेवेनंतर स्वेच्छानिवृत्तीची इच्छा व्यक्त केली, पण ती पूर्ण झाली नाही.
कोर्टातील लढ्यानंतर 2011 मध्ये पुन्हे सेवेत रुजू झाले.
2014-15 लीगल मॅट्रोलॉजी डिपार्टमेंट कंट्रोलर मेजरमध्ये असताना बिल्डरांकडून फ्लॅट्सच्या कार्पेट एरियातील चोरी उघड केली. लोढा बिल्डरवर कारवाईही केली.
2015 मध्ये होमगार्डचे अतिरिक्त पोलीस महासंचालक बनले आणि याच पदावर राहून महासंचालकही झाले.
अँटिलिया स्फोटक प्रकरणानंतर संजय पांडे यांच्या जागी परमबीर सिंह यांना नियुक्ती दिली. तर संजय पांडे यांना महाराष्ट्र राज्य सुरक्षा परिषदेत पाठवलं.
9 एप्रिल रोजी संजय पांडे यांना महाराष्ट्र पोलीस महासंचालकपदाचा अतिरिक्त कार्यभार सोपवण्यात आला.