Uttarakhand Election : उत्तराखंड निवडणुकीसाठी भाजपची 59 उमेदवारांची यादी जाहीर, मुख्यमंत्री धामी लढणार खाटिमा मतदारसंघातून|Uttarakhand Election List of 59 candidates of BJP for Uttarakhand elections announced, Chief Minister Dhami will contest from Khatima constituency

Uttarakhand Election : उत्तराखंड निवडणुकीसाठी भाजपची 59 उमेदवारांची यादी जाहीर, मुख्यमंत्री धामी लढणार खाटिमा मतदारसंघातून

उत्तराखंड विधानसभा निवडणुकीसाठी भाजपच्या ५९ उमेदवारांची यादी जाहीर करण्यात आली आहे. उत्तराखंडचे मुख्यमंत्री पुष्कर सिंह धामी हे खाटिमा येथून उमेदवार असतील, तर हरिद्वारमधून मदन कौशिक आणि पुरोलातून दुर्गेश्‍वर लाल आणि यमुनोत्रीमधून केदारसिंग रावत यांना उमेदवारी जाहीर करण्यात आली आहे.Uttarakhand Election List of 59 candidates of BJP for Uttarakhand elections announced, Chief Minister Dhami will contest from Khatima constituency

वृत्तसंस्था

नवी दिल्ली : उत्तराखंड विधानसभा निवडणुकीसाठी भाजपच्या ५९ उमेदवारांची यादी जाहीर करण्यात आली आहे. उत्तराखंडचे मुख्यमंत्री पुष्कर सिंह धामी हे खाटिमा येथून उमेदवार असतील, तर हरिद्वारमधून मदन कौशिक आणि पुरोलातून दुर्गेश्‍वर लाल आणि यमुनोत्रीमधून केदारसिंग रावत यांना उमेदवारी जाहीर करण्यात आली आहे.

माजी संरक्षण दल प्रमुख बिपीन रावत यांच्या बंधूंचा भाजपमध्ये प्रवेश, उत्तराखंडमध्ये विधानसभा निवडणूक लढविणार

भारतीय जनता पार्टी की केंद्रीय चुनाव समिति ने उत्तराखंड विधानसभा चुनाव-2022 के लिए निम्नलिखित प्रत्याशियों के नामों पर अपनी स्वीकृति दी है। pic.twitter.com/mcy3UgVEl0

— BJP (@BJP4India) January 20, 2022

गंगोत्रीमधून सुरेश चौहान, बद्रीनाथमधून महेंद्र भट्ट, थरालीमधून गोपाल राम, कर्णप्रयागमधून अनिल नौटियाल, रुद्रप्रयागमधून भरतसिंह चौधरी, घणसालीमधून शक्ती लाल, देवप्रयागमधून विनोद खंडारी, सुबोध उनियाल यांना नरेंद्रनगरमधून तिकीट देण्यात आलं आहे. दुसरीकडे प्रतापनगरमधून विजय सिंग पनवार, धनौल्टीमधून प्रीतम सिंग आणि चक्रतामधून राम शरण हे उमेदवार असतील.

याशिवाय दीदीहाटमधून बिशनसिंग चुफळ, द्वारहाटमधून अनिल शाही, सॉल्टमधून महेश जीना, सोमेश्वरमधून रेखा आर्य, अल्मोडामधून कैलाश शर्मा यांना उमेदवारी देण्यात आली आहे. दुसरीकडे लोहाघाटमधून पूरणसिंग फरत्याल, भीमतालमधून रामसिंग कैरा, नैनितालमधून सरिता आर्य, कालाधुंगीमधून बंशीधर भगत, रामनगरमधून दिवान सिंग, गदरपूरमधून अरविंद पांडे आणि किछामधून राजेश शुक्ला हे भाजपच्या तिकिटावर निवडणूक लढवणार आहेत.