CDS Bipin Death : सीडीएस बिपिन रावत आणि त्यांच्या पत्नीच्या अस्थींचे आज गंगेत विसर्जन, मुली घेऊन जाणार । The ashes of CDS Bipin Rawat and his wife will be immersed in the Ganges today

CDS Bipin Death : सीडीएस बिपिन रावत आणि त्यांच्या पत्नीच्या अस्थींचे आज गंगेत विसर्जन, मुली घेऊन जाणार

देशाचे पहिले चीफ ऑफ डिफेन्स स्टाफ जनरल बिपिन रावत आणि त्यांची पत्नी मधुलिका रावत यांच्या अस्थी आज हरिद्वार, उत्तराखंडमध्ये गंगेत विसर्जित केल्या जाणार आहेत. रावत, त्यांची पत्नी मधुलिका आणि इतर अधिकारी 8 डिसेंबर रोजी तामिळनाडूतील कुन्नूर येथे हेलिकॉप्टर अपघातात मरण पावले. त्यांच्या अस्थींचे आज सकाळी ११ वाजता व्हीआयपी घाटातील गंगेत विसर्जन करण्यात येणार आहे. The ashes of CDS Bipin Rawat and his wife will be immersed in the Ganges today

वृत्तसंस्था

नवी दिल्ली : देशाचे पहिले चीफ ऑफ डिफेन्स स्टाफ जनरल बिपिन रावत आणि त्यांची पत्नी मधुलिका रावत यांच्या अस्थी आज हरिद्वार, उत्तराखंडमध्ये गंगेत विसर्जित केल्या जाणार आहेत. रावत, त्यांची पत्नी मधुलिका आणि इतर अधिकारी 8 डिसेंबर रोजी तामिळनाडूतील कुन्नूर येथे हेलिकॉप्टर अपघातात मरण पावले. त्यांच्या अस्थींचे आज सकाळी ११ वाजता व्हीआयपी घाटातील गंगेत विसर्जन करण्यात येणार आहे.

मुली घेऊन जाणार अस्थी

यासाठी सर्व तयारी पूर्ण झाली आहे. रावत, त्यांच्या पत्नी आणि इतर अधिकाऱ्यांच्या आत्म्याला शांती मिळावी यासाठी अनेक ठिकाणी श्रद्धांजली सभांचे आयोजन करण्यात येत आहे. जनरल बिपिन रावत यांची मुलगी कृतिका आणि तारिणी आणि इतर नातेवाईक अस्थिकलश घेऊन हरिद्वारला येणार आहेत. त्यासाठी राज्य सरकार आणि जिल्हा प्रशासनाने पूर्ण तयारी केली आहे. अस्थी विसर्जनाच्या कार्यक्रमात अनेक व्हीआयपी सहभागी होणार आहेत.

जनरल रावत यांच्या अपघाती मृत्यूबद्दल जनतेत शंका; खासदार संजय राऊत

लष्करी इतमामात अंत्यसंस्कार

काल सीडीएस जनरल बिपिन रावत यांच्यावर संपूर्ण लष्करी सन्मानाने अंत्यसंस्कार करण्यात आले. त्यांना 17 तोफांची सलामी देण्यात आली. सीडीएस जनरल बिपिन रावत आणि त्यांची पत्नी मधुलिका रावत यांना त्यांच्या मुली कृतिका आणि तारिणी यांनी मुखाग्नि दिला. संरक्षण मंत्री राजनाथ सिंह आणि उत्तराखंडचे मुख्यमंत्री पुष्कर सिंह धामी आणि भारतीय लष्कर प्रमुख जनरल एमएम नरवणे यांनी काल बेरार स्क्वेअर स्मशानभूमीत सीडीएस जनरल बिपिन रावत आणि त्यांच्या पत्नी मधुलिका रावत यांच्या पार्थिवांना श्रद्धांजली वाहिली.