punjab congress : पंजाब काँग्रेसमधील सावळागोंधळ अजूनही सुरूच आहे. आता नवज्योतसिंग सिद्धू यांनी सोनिया गांधींना पत्र लिहिले आहे. पत्रात सिद्धू यांनी बेअदबी, ड्रग्ज, मद्य माफिया यासह 13 मुद्द्यांचा उल्लेख करून सोनिया यांना या मुद्द्यांवर पंजाब सरकारला काम करण्यास सांगावे असे लिहिले आहे. punjab congress sidhu wrote a letter to sonia gandhi on 13 issues also sought time to meet
प्रतिनिधी
नवी दिल्ली : पंजाब काँग्रेसमधील सावळागोंधळ अजूनही सुरूच आहे. आता नवज्योतसिंग सिद्धू यांनी सोनिया गांधींना पत्र लिहिले आहे. पत्रात सिद्धू यांनी बेअदबी, ड्रग्ज, मद्य माफिया यासह 13 मुद्द्यांचा उल्लेख करून सोनिया यांना या मुद्द्यांवर पंजाब सरकारला काम करण्यास सांगावे असे लिहिले आहे. सिद्धू यांनी सोनिया गांधींकडून या 13 मुद्यांवर चर्चा करण्यासाठी वेळ मागितला आहे. पत्रात सिद्धू यांनी स्वत:ला प्रदेश काँग्रेस अध्यक्ष म्हणून वर्णन करताना म्हटले आहे की, कार्यकारिणीवर (सरकारवर) नजर ठेवण्याची जबाबदारी त्यांच्यावर आहे.
सिद्धू यांनी म्हटले आहे की, सरकारमध्ये दलित समाजाचा आवाज बळकट करण्यासाठी एका दलिताला मुख्यमंत्री बनवण्यात आले, पण असे असूनही त्यांना राज्यात समान स्थान मिळाले नाही. सिद्धू यांनी धार्मिक समाजाच्या किमान एका सदस्याला चन्नी मंत्रिमंडळात मंत्री करावे, याशिवाय दोआबा क्षेत्रातून आणि मागास प्रवर्गातून दोन मंत्री करावे अशी मागणी केली आहे. सिद्धू यांनी सोनिया यांना लिहिलेल्या पत्रावरून हे स्पष्ट आहे की, राहुल गांधींना भेटूनही त्यांची नाराजी संपलेली नाही आणि म्हणूनच त्यांनी आता एक नवीन युक्ती शोधली आहे.
नवज्योतसिंग सिद्धू यांनी राहुल गांधी यांची दिल्लीतील त्यांच्या निवासस्थानी शुक्रवारी भेट घेतली. या बैठकीनंतर सिद्धू यांनी पंजाब युनिटचे अध्यक्ष म्हणून कायम राहण्याचा निर्णय घेतला होता. ते म्हणाले, “ज्या काही तक्रारी होत्या, त्या मी राहुल गांधींसोबत शेअर केल्या. त्या सर्व सोडवण्यात आल्या आहेत.” त्यांनी राजीनामा मागे घेतला का, असे विचारले असता सिद्धू म्हणाले की, मी जे काही करत आहे ते तुमच्यासमोर आहे.
punjab congress sidhu wrote a letter to sonia gandhi on 13 issues also sought time to meet
महत्त्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more