अवनी, योगेशला पंतप्रधानांचा खास कॉल; पदके जिंकल्याबद्दल केले अभिनंदन!!

By, Pravin Pawar - August 30, 2021 10:10:22

0

वृत्तसंस्था

नवी दिल्ली : टोकियो पँराऑलिम्पिकमध्ये पदकांची लयलूट करणाऱ्या पथकाचे पंतप्रधान नरेंद्र मोदी यांनी खास अभिनंदन केले आहे. एअर पिस्तूल विभागात नेमबाजीत भारताला पहिले सुवर्ण पदक मिळवून देणाऱ्या अवनी लेखराचे पंतप्रधानांनी खास कॉल करून तिचे अभिनंदन केले. करोडो भारतीयांसाठी अवनी प्रेरणास्थान ठरेल, अशा शब्दांत मोदींनी आपल्या भावना व्यक्त केल्या. अवनी सुवर्णपदकाची मानकरी ठरलेली पहिली महिला ठरल्याबद्दल आपल्याला अभिमान वाटतो, असे मोदी म्हणाले.PM Narendra Modi also spoke to Yogesh Kathuniya over the phone and congratulated him on the silver medal win at Tokyo Paralympics

त्यानंतर पंतप्रधानांनी थाळीफेकीत रौप्य पदक मिळवलेल्या योगेश कथुनिया यांना कॉल करून त्याचे अभिनंदन केले. योगेशची आई मीना देवी यांनी त्याच्या खेळासाठी घेतलेल्या मेहनतीचा पंतप्रधान मोदींनी खास उल्लेख केला तेव्हा योगेश भावनावश झाला. अवनी आणि योगेश यांनी पंतप्रधानांचे आभार मानले.

PM Narendra Modi spoke to Avani Lekhara and congratulated her on winning the Gold at Tokyo Paralympics. He said this win is a matter of great pride.

Avani expressed happiness at the support she has received from the entire nation. pic.twitter.com/7QHyPIWU5O

— ANI (@ANI) August 30, 2021

PM Narendra Modi also spoke to Yogesh Kathuniya over the phone and congratulated him on the silver medal win at Tokyo Paralympics. He also appreciated the efforts put by Yogesh’s mother in ensuring his success

Yogesh expressed gratitude to the Prime Minister for the good wishes https://t.co/exrfGuBwq8

— ANI (@ANI) August 30, 2021

पदक विजेत्या ऑलिम्पिक खेळाडूंना स्वतः कॉल करून प्रोत्साहन देण्याची वेगळी पद्धत पंतप्रधान मोदी यांनी अवलंबली आहे. परंतु, भारतीय महिला हॉकी टीम ब्राँझ पदक जिंकू शकली नाही. परंतु त्यांनी फायटिंग स्पिरिटने खेळ केला. त्याबद्दलही पंतप्रधानांनी खास कॉल करून आपल्या महिला टीमचे अभिनंदन केले होते आणि त्यांना प्रोत्साहन दिले होते.