वृत्तसंस्था
नवी दिल्ली : पैगंबर मोहम्मद यांच्यावर वादग्रस्त वक्तव्य केल्याप्रकरणी नुपूर शर्माच्या अडचणी सातत्याने वाढत आहेत. आधी जिवे मारण्याच्या धमक्या, नंतर अनेक पोलीस ठाण्यांमध्ये एफआयआर आणि सर्वोच्च न्यायालयाने फटकारले आणि आता कोलकाता पोलिसांच्या नोटिसा. कोलकाता पोलिसांनी नुपूर शर्माविरोधात लुकआऊट नोटीस जारी केली आहे. नुपूरविरुद्ध एमहर्स्ट आणि नरकेलडांगा पोलिस ठाण्यात एफआयआर नोंदवण्यात आला आणि त्यांना हजर राहण्यास सांगण्यात आले. मात्र, त्या त्यांच्यासमोर गेल्या नाहीत. त्यानंतर त्यांनी आणखी वेळ मागितला आहे.Nupur Shrama Row Lookout notice issued by Kolkata Police against Nupur Shrama, find out, in which states cases have been registered
वादग्रस्त वक्तव्य केल्याप्रकरणी नुपूर शर्माविरुद्ध देशातील विविध राज्यांमध्ये खटले दाखल करण्यात आले होते, हे सर्व खटले एकत्र करण्यासाठी त्या सर्वोच्च न्यायालयात गेल्या तेव्हा त्यांना कोर्टाने फटकारले आणि याचिकेवर सुनावणी घेण्यास नकार दिला. नुपूर यांनी सर्व खटले दिल्लीला वर्ग करण्याची मागणी केली होती.
नुपूर शर्मावर अनेक राज्यांत गुन्हे दाखल
नुपूर शर्माविरुद्ध दिल्ली, महाराष्ट्र, पश्चिम बंगाल आणि तेलंगणा या चार राज्यांमध्ये 9 गुन्हे दाखल आहेत, तर आसाम, कर्नाटक, राजस्थान, आंध्र प्रदेश आणि उत्तर प्रदेशमध्येही गुन्हे दाखल आहेत, परंतु त्याचा तपशील याचिकाकर्त्याकडे नाही. या सर्व बाबींच्या संदर्भात नुपूर शर्मा यांनी सुप्रीम कोर्टात खटले एकत्र करून त्यांना वेगवेगळ्या राज्यात जाणे शक्‍य नसल्यामुळे त्यांना दिल्लीत स्थानांतरित करण्याची विनंती केली होती. यानंतर सुप्रीम कोर्टाने नुपूर शर्माला फटकारले आणि म्हटले की, त्यांच्या वक्तव्यानंतर देशात पसरलेल्या जातीय हिंसाचाराला त्याच पूर्णपणे जबाबदार आहे. न्यायालयाने त्यांच्या याचिकेवर सुनावणी घेण्यास नकार दिला. यानंतर नुपूर शर्माच्या अडचणीत वाढ झाली आहे.
नूपुर शर्माच्या अडचणी का वाढल्या
सुप्रीम कोर्टाने नकार दिल्यानंतर नुपूरला प्रत्येक खटला राज्यातील नियुक्त ठिकाणी दाखल करण्याच्या प्रक्रियेला सामोरे जावे लागणार आहे. केवळ सर्वोच्च न्यायालयच सर्व खटले एकत्र करून त्यांची सुनावणी दिल्ली किंवा अन्य राज्यात हलवण्याचे आदेश देऊ शकते. आता जर एखाद्या राज्यातील अनेक शहरांमध्ये नुपूरविरुद्ध खटले दाखल झाले, तर त्या राज्याचे उच्च न्यायालय आपल्या अधिकारक्षेत्रातील सर्व खटले एकत्र करू शकते. परंतु राज्याबाहेर दाखल असलेल्या खटल्यांवर ते आदेश देऊ शकत नाही. आता नुपूर शर्माला प्रत्येक खटल्याच्या कारवाईला स्वतंत्रपणे सामोरे जावे लागणार आहे. सर्व राज्यांमध्ये स्वतंत्र तपास केला जाईल आणि नुपूरला त्याच्या प्रक्रियेत सहकार्य करावे लागेल. म्हणजेच नुपूर शर्माला आता तिच्या वादग्रस्त वक्तव्याबाबत अनेक अडचणींचा सामना करावा लागू शकतो.
महत्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more