Gaganyaan Mission : ISRO successfully tests Gaganyaans development engine, Elon Musk congratulates

Gaganyaan Mission : इस्रोच्या गगनयानच्या विकास इंजिनचे परीक्षण यशस्वी, एलन मस्क यांनीही केले अभिनंदन

Gaganyaan Mission : भारतीय अंतराळ संशोधन संस्थेने (इस्रो) बुधवारी देशातील पहिल्या मानव मिशन गगनयानच्या विकास इंजिनचे दीर्घ अवधीचे तिसरे हॉट टेस्ट यशस्वीरीत्या पूर्ण केले. मानवआधारित जीएसएलव्ही एमके 3 मिसाइलवर कोअर 110 लिक्विड स्टेजवर हे परीक्षण पूर्ण करण्यात आले. यासाठी इस्रोला एलन मस्कनेही अभिनंदनाचे ट्वीट केले आहे. Gaganyaan Mission : ISRO successfully tests Gaganyaans development engine, Elon Musk congratulates


विशेष प्रतिनिधी

बंगळुरू : भारतीय अंतराळ संशोधन संस्थेने (इस्रो) बुधवारी देशातील पहिल्या मानव मिशन गगनयानच्या विकास इंजिनचे दीर्घ अवधीचे तिसरे हॉट टेस्ट यशस्वीरीत्या पूर्ण केले. मानवआधारित जीएसएलव्ही एमके 3 मिसाइलवर कोअर 110 लिक्विड स्टेजवर हे परीक्षण पूर्ण करण्यात आले. यासाठी इस्रोला एलन मस्कनेही अभिनंदनाचे ट्वीट केले आहे.

इस्रोने याबाबत माहिती देताना ट्विट केले तेव्हा ते पुन्हा ट्विट करत एलन मस्क यांनी लिहिले की, ‘अभिनंदन भारत!’

तामिळनाडूच्या महेंद्रगिरी येथील इस्रो प्रॉपल्शन कॉम्प्लेक्समध्ये हे इंजिन 240 सेकंद चालविण्यात आले. यादरम्यान इंजिनने इच्छित लक्ष्य गाठले. मागील चाचणीदरम्यान केलेले इंजिन कार्यप्रदर्शन अंदाजावर खरे उतरले. गगनयानच्या माध्यमातून मानवाला अंतराळात नेण्याची आणि नंतर त्याला परत आणण्याच्या शक्यतेवर इस्रो काम करत आहे.

भारतीय अंतराळ संशोधन संस्थेची पहिली मानवरहित गगनयान मोहीम या वर्षाच्या अखेरीस सुरू होण्याची शक्यता आहे. कोरोनामुळे हे अभियान एक वर्ष उशिराने सुरू होत आहे. त्याची लॉन्चिंग डिसेंबर 2020 मध्ये होणार होती. परंतु निर्धारित वेळेत हार्डवेअरच्या पुरवठ्यात उशीर झाल्यामुळे त्याला मानवी रेटिंग करणे शक्य झाले नाही.

मानवी रेटिंग प्रक्षेपण यान त्याला मानले जाते ज्याच्या हार्डवेअरची विश्वसनीयता 0.99 असते. गगनयान मिशनचा एक भाग म्हणून एकापाठोपाठ दोन मानवरहित यान प्रक्षेपित करण्याची योजना आहे. बंगळुरूमधील अंतराळ संस्था मुख्यालयाच्या अधिकृत निवेदनात म्हटले आहे की, कोरोना साथीच्या पहिल्या आणि दुसर्‍या लाटेने गगनयान अभियानावर गंभीर परिणाम झाला आहे.

इस्रोच्या एका अधिकाऱ्याने सांगितले की, “मिशनसाठी हार्डवेअर औद्योगिक कंपन्या उत्पादित करत आहेत. परंतु वेगवेगळ्या कालावधीत देशातील वेगवेगळ्या ठिकाणी लॉकडाऊन असल्याने वेळेवर पुरवठा होऊ शकला नाही. हार्डवेअरचे डिझाइन, विश्लेषण आणि इस्त्रोद्वारे दस्तऐवजीकरण केले गेले आहे. गगनयानसाठी हार्डवेअरचे उत्पादन व पुरवठा देशातील शेकडो औद्योगिक कंपन्या करत आहेत.

सूत्रांनी सांगितले की, काही महत्त्वपूर्ण उपक्रम आणि घटकांच्या पुरवठ्यात इस्रो फ्रेंच, रशियन आणि अमेरिकन अंतराळ संस्थांचीही मदत घेत आहे. गगनयान कार्यक्रमाचे उद्दिष्ट मानवाला पृथ्वीच्या खालच्या कक्षेत पाठविणे आणि त्यांना सुखरूप पृथ्वीवर परत आणणे, यासाठी भारतीय प्रक्षेपण वाहनाची क्षमता दर्शविण्याचे आहे.

Gaganyaan Mission : ISRO successfully tests Gaganyaans development engine, Elon Musk congratulates

महत्त्वाच्या बातम्या