राजस्थान सीमेवर प्रखर प्रकाशासह स्फोट बारमेर जिल्हा; हाय अलर्ट|Explosion with bright light on Rajasthan border Barmer District; Hi alert

राजस्थान सीमेवर प्रखर प्रकाशासह स्फोट बारमेर जिल्हा; हाय अलर्ट

विशेष प्रतिनिधी

जयपूर : बारमेर जिल्ह्यातील सीमावर्ती भागात सोमवारी रात्री उशिरा प्रखर प्रकाशासह अचानक स्फोट झाल्याची बातमी ऐकायला मिळाली. रात्री अचानक प्रखर प्रकाशासह झालेल्या या स्फोटामुळे सीमा भागातील नागरिक हादरल्याचे सांगण्यात येत आहे. Explosion with bright light on Rajasthan border Barmer District; Hi alert

बीएसएफ आणि स्थानिक पोलिसांनी स्फोटाला दुजोरा दिला आहे. त्याचबरोबर या स्फोटामुळे कोणत्याही प्रकारचे नुकसान झाल्याचा इन्कार करण्यात आला आहे. या स्फोटाबाबत सीमावर्ती भागातील सर्व पोलीस ठाण्यांना हाय अलर्टवर ठेवण्यात आले असून नागरिकांना शांत राहण्याचे आवाहन करण्यात आले आहे. सुरक्षा यंत्रणा, बीएसएफ आणि स्थानिक पोलीस स्फोटाचा तपास करण्यात व्यस्त आहेत.

राजस्थानात पब्जी खेळाचा आणखी एक बळी; वाढदिवसाला मोबाईल दिला नसल्याने तरुणीची आत्महत्या

त्याचवेळी काही वृत्तवाहिन्यांनी चौहान भागातील बिजरड पोलीस स्टेशन हद्दीतील शोभला जेटमल येथे अशाच प्रकारचा स्फोट झाल्याचे वृत्त प्रसारित केले होते. मात्र पोलीस अधिकारी भंवरा राम यांनी या भागात अशी कोणतीही घटना घडल्याचे नाकारले.

भारत-पाक सीमेजवळील बखासर परिसरात अशी घटना घडल्याचे समोर आले. यानंतर पत्रकारांनी बखासर पोलीस स्टेशनचे अधिकारी कमलेश गेहलोत यांच्याशी चर्चा केली. त्यांनी सांगितले की, बखासर परिसरातच हा स्फोट झाला आणि या स्फोटाचा आवाज त्यांनी स्वतः ऐकला.