कोरोनाने जनता बेजार, पण दिल्लीच्या आमदारांना वाढवून पाहिजे पगार, केजरींच्या कॅबिनेट बैठकीत आज प्रस्ताव येण्याची शक्यता


delhi government mla salary increment : दिल्ली सरकारच्या मंत्रिमंडळाच्या बैठकीत आज आमदारांचे पगार वाढवण्याचा प्रस्ताव येण्याची शक्यता आहे. विविध मीडिया रिपोर्ट्सनुसार, 2015 मध्ये दिल्ली सरकारने दिल्ली विधानसभेतील आमदारांचे वेतन वाढवण्याचा कायदा केला होता आणि तो केंद्र सरकारकडे पाठवला होता, जो केंद्र सरकारने नाकारला आहे. यासोबतच केंद्र सरकारने आमदारांच्या पगाराबाबत काही सूचनाही दिल्या आहेत. delhi government mla salary increment proposal in todays cabinet meeting


विशेष प्रतिनिधी

नवी दिल्ली : दिल्ली सरकारच्या मंत्रिमंडळाच्या बैठकीत आज आमदारांचे पगार वाढवण्याचा प्रस्ताव येण्याची शक्यता आहे. विविध मीडिया रिपोर्ट्सनुसार, 2015 मध्ये दिल्ली सरकारने दिल्ली विधानसभेतील आमदारांचे वेतन वाढवण्याचा कायदा केला होता आणि तो केंद्र सरकारकडे पाठवला होता, जो केंद्र सरकारने नाकारला आहे. यासोबतच केंद्र सरकारने आमदारांच्या पगाराबाबत काही सूचनाही दिल्या आहेत.

2011 नंतर म्हणजे जवळजवळ दहा वर्षे दिल्लीच्या आमदारांच्या पगारात कोणतीही वाढ झालेली नाही. सूत्रांच्या माहितीनुसार, आता दिल्लीच्या आमदारांना महिन्याचे 30 हजार रुपये वेतन देण्याचा प्रस्ताव मंत्रिमंडळात येऊ शकतो. तर सध्या दिल्लीच्या आमदारांना दरमहा 12 हजार रुपये पगार मिळतो. त्याचबरोबर आमदारांना पगार आणि इतर भत्त्यांसह महिन्याला एकूण 90 हजार रुपये देण्याचा प्रस्ताव मंत्रिमंडळात येऊ शकतो. तर सध्या आमदारांचे वेतन आणि भत्ते मिळून दरमहा 54 हजार रुपये मिळतात.

दिल्ली सरकारशी संबंधित सूत्रांनी दिलेल्या माहितीनुसार, ‘वेतन वाढीचा प्रस्ताव केंद्रीय गृह मंत्रालयाकडे पाठवण्यात आला होता. बऱ्याच चर्चेनंतर गृहमंत्रालयाने पगारात थोडी वाढ करण्याची परवानगी दिली आहे.

मंत्रिमंडळाच्या बैठकीत आमदारांचे नवीन प्रस्तावित वेतन आणि भत्ता असा असू शकतो

मूळ वेतन – 30,000
मतदारसंघ भत्ता – 25,000
सचिवालय भत्ता – 15,000
वाहतूक भत्ता – 10,000
दूरध्वनी – 10,000
एकूण- ₹ 90,000

delhi government mla salary increment proposal in todays cabinet meeting

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    शिंदे – फडणवीसांची समृद्धी महामार्गावर टेस्ट ड्राईव्ह मोदींनी केला जगातील सर्वात मोठा रोड शो! मंत्रालयात प्रवेशद्वाराजवळ महात्मा फुले, सावित्रीबाई फुले यांच्या तैलचित्राचे अनावरण