Corona In India : देशात पुन्हा कोरोना बेलगाम, 24 तासांत 29.7 टक्क्यांनी वाढले रुग्ण, सक्रिय रुग्णसंख्या एक लाखाच्या पुढे|Corona In India Corona rampant in the country again, 29.7 per cent increase in patients in 24 hours

Corona In India : देशात पुन्हा कोरोना बेलगाम, 24 तासांत 29.7 टक्क्यांनी वाढले रुग्ण, सक्रिय रुग्णसंख्या एक लाखाच्या पुढे

प्रतिनिधी

नवी दिल्ली : गेल्या 24 तासांत देशात नवीन कोरोना रुग्णांची संख्या वाढली आहे. गुरुवारी भारतात 18 हजारांहून अधिक नवीन रुग्ण आढळले आहेत. तर 39 रुग्णांचा मृत्यू झाला आहे. गेल्या काही दिवसांपासून देशातील कोरोना रुग्णांची आकडेवारी धक्कादायक आहे. आरोग्य विभागाच्या आकडेवारीनुसार, गेल्या 24 तासांत कोरोनाचे 18 हजार 819 नवीन रुग्ण आढळले आहेत.Corona In India Corona rampant in the country again, 29.7 per cent increase in patients in 24 hours

केरळ (4,459 नवीन प्रकरणे) पाच राज्यांमध्ये पहिल्या क्रमांकावर आहे जिथे सर्वाधिक रुग्ण नोंदवले गेले आहेत. त्यापाठोपाठ महाराष्ट्र (3,957), कर्नाटक (1,945), तामिळनाडू (1,827) आणि पश्चिम बंगाल (1,424) यांचा क्रमांक लागतो. एकूण नवीन रुग्णसंख्येत या पाच राज्यांचा वाटा 72.34 टक्के आहे. नवीन रुग्णांत 23.69 टक्के फक्त केरळमधून आले आहेत.

एकनाथ शिंदे बंड : पेचप्रसंग सुरू होताच राज्यपालांना करोना; राज्यपाल बरे होताच अजितदादांना कोरोना!!

कोविडमुळे गेल्या 24 तासांत आणखी 39 जणांना आपला जीव गमवावा लागला आहे. देशात कोविडमुळे आतापर्यंत पाच लाखांहून अधिक (५,२५,११६) लोकांचा मृत्यू झाला आहे.

भारताचा बरे होण्याचा दर आता 98.55 टक्के आहे. गेल्या 24 तासांत एकूण 13 हजार 827 रुग्ण बरे झाले असून त्यामुळे देशभरातील एकूण बरे झालेल्यांची संख्या 4 कोटी 28 लाख 22 हजार 493 झाली आहे.

देशात कोरोनाचे 1.04 लाख सक्रिय रुग्ण

देशात नवीन कोरोना रुग्णांच्या आगमनानंतर सक्रिय रुग्णांची संख्या एक लाखाच्या पुढे गेली आहे. देशात सध्या कोरोनाचे 1 लाख 4 हजार 555 सक्रिय रुग्ण आहेत. गेल्या 24 तासात कोरोनाच्या सक्रिय रुग्णांमध्ये 4 हजार 953 ची वाढ झाली आहे.

दुसरीकडे, गेल्या 24 तासांत देशात कोरोनाचे एकूण 14 लाख 17 हजार 217 डोस देण्यात आले आहेत. त्याच वेळी, गेल्या 24 तासात एकूण 4,52,430 नमुन्यांची चाचणी करण्यात आली आहे.