अमित शहा यांनी केले रिक्षाचालक कार्यकर्त्याच्या घरी जेवण

By, Pravin Pawar - April 8, 2021 07:07:21

0

केंद्रीय गृहमंत्री अमित शहा हे भारतीय जनता पक्षाच्या सामान्य कार्यकर्त्यांचे ऋण मानतात. त्यामुळे पश्चिम बंगालमध्ये प्रचारदौऱ्यावर असताना त्यांनी एका रिक्षाचालक कार्यकर्त्याच्या घरी जेवण केले. Amit Shah had a meal at the home of a rickshaw puller

विशेष प्रतिनिधी

कोलकाता : केंद्रीय गृहमंत्री अमित शहा हे भारतीय जनता पक्षाच्या सामान्य कार्यकर्त्यांचे ऋण मानतात. त्यामुळे पश्चिम बंगालमध्ये प्रचारदौऱ्यावर असताना त्यांनी एका रिक्षाचालक कार्यकर्त्याच्या घरी जेवण केले.

नक्षलवाद्यांनी चार ट्रॅक्टर ट्रॉली भरून मृतदेह आणि जखमी नक्षलवाद्यांना जंगलात नेलेय; नक्षलवाद्यांविरोधातील लढाई तीव्र करणार; अमित शहांची ग्वाही

दोमजूर मतदारसंघातील भाजपा उमेदवाराच्या प्रचारार्थ अमित शहांच्या रोड शोचे आयोजन करण्यात आले होते. रोड शोपूर्वी अमित शहा यांनी एका रिक्षाचालक कार्यकर्त्याच्या घरी जेवण केले. यावेळी, राजीव बॅनर्जींसह अनेक पदाधिकारीही दुपारच्या जेवणाला उपस्थित होते.

पश्चिम बंगालमध्ये 200 पेक्षा जास्त जागांवर भारतीय जनता पक्षाला विजय मिळणार असल्याचा पुनरुच्चा करत अमित शहा म्हणाले, ममता बॅनर्जी यांची निराशा, त्यांच्या वागण्यात, भाषणात आणि व्यवहरातही दिसून येत आहे. त्यामुळेच, भाजपाच विजय निश्चित आहे.

भाजपाचे वरिष्ठ नेते राजीव बॅनर्जी यांचा प्रचार करण्यासाठी मी आलो आहे, मला पूर्णपणे विश्वास आहे, की राजीव निवडूण येतील. 2 मे रोजी जेव्हा निकालाचे आकडे समोर येतील, तेव्हा 200 पेक्षा जास्त जागांवर भाजप विजयी ठरेल. राज्यात भाजपाचे सरकार स्थापन होईल.