शेअर बाजाराची आजही उसळी, सेन्सेक्सने पहिल्यांदाच ओलांडला 69000 चा टप्पा!|The stock market bounced today Sensex crossed the 69000 level for the first time

शेअर बाजाराची आजही उसळी, सेन्सेक्सने पहिल्यांदाच ओलांडला 69000 चा टप्पा!

विशेष प्रतिनिधी

मुंबई : तीन राज्यांच्या विधानसभा निवडणुकीत भाजपच्या बंपर विजयाचा परिणाम दुसऱ्या दिवशीही शेअर बाजारात दिसून येत आहे. सोमवारनंतर मंगळवारीही शेअर बाजारात विक्रमी वाढ दिसून आली. 5 डिसेंबर रोजी बाजारातील प्रमुख निर्देशांकांनी आतापर्यंतचा उच्चांक गाठला.The stock market bounced today Sensex crossed the 69000 level for the first time

मोठी बातमी : शेअर बाजाराचे मार्केट कॅप 4 ट्रिलियन डॉलर्सवर; सेन्सेक्स 500 हून अधिक अंकांनी वधारला

BSE सेन्सेक्सने प्रथमच 69000 चा टप्पा पार केला. बाजार तेजीसह उघडला आणि प्रथमच बीएसई सेन्सेक्स 69,306 आणि निफ्टी 20,813 अंकांवर पोहोचला. सध्या निफ्टी 153.8 अंकांनी वाढल्यानंतर 20,840.60 वर ट्रेंड करत आहे. तर सेन्सेक्स 449.20 अंकांच्या वाढीनंतर 69,314.32 अंकांवर व्यवहार करत आहे.

Rakesh Jhunjhunwala:शेअर बाजारातील ‘बिग बुल’ राकेश झुनझुनवाला यांचे वयाच्या 62व्या वर्षी निधन

बाजारातील वाढीसह बँकिंग क्षेत्रही वेगाने प्रगती करत आहे. BSE वर लिस्टेड कंपन्यांच्या एकूण मार्केट कॅपने 344 लाख कोटींची विक्रमी पातळी ओलांडली आहे. याआधी सोमवारी बीएसई सेन्सेक्स 1383 अंकांनी उसळी घेत 68,865 वर बंद झाला आणि मंगळवारी पुन्हा एकदा वाढीसह उघडला आणि 69000 च्या पुढे गेला.