राजस्थानमध्ये विधानसभा निवडणुकीसाठी मतदानाची तारीख बदलली, आता 'या' दिवशी होणार मतदान he date of assembly elections in Rajasthan has been changed now the voting will be held on November 25

राजस्थानमध्ये विधानसभा निवडणुकीसाठी मतदानाची तारीख बदलली, आता ‘या’ दिवशी होणार मतदान

जाणून घ्या, कधी होणार मतमोजणी?

विशेष प्रतिनिधी

नवी दिल्ली : राजस्थानमध्ये विधानसभा निवडणुकीची तारीख बदलली आहे. नव्या तारखेनुसार आता 25 नोव्हेंबरला मतदान होणार आहे. 3 डिसेंबर रोजी मतमोजणी होणार आहे. निवडणूक आयोगाने अलीकडेच पत्रकार परिषदेत 23 नोव्हेंबर ही मतदानाची तारीख जाहीर केली होती. आज बदलण्यात आली आहे. The date of assembly elections in Rajasthan has been changed now the voting will be held on November 25

राज्यातील 200 जागांसाठी मतदान आणि मतमोजणीची सर्व तयारी पूर्ण झाली आहे. आयोगाने दिलेल्या माहितीनुसार, राजस्थानमध्ये आदर्श आचारसंहिता लागू करण्यात आली आहे, जी निवडणूक संपल्यानंतर काढली जाईल.

निवडणूक आयोगाने लग्न आणि सणासुदीच्या पार्श्वभूमीवर मतदानाच्या तारखेत बदल केला आहे. तारखेतील बदलाबाबत सांगण्यात आले की, देवूठाणी एकादशीमुळे मतदानाच्या टक्केवारीवर परिणाम होण्याची शक्यता होती. याबाबत अनेक राजकीय पक्षांच्या वतीने निवडणूक आयोगाला पत्र लिहिले होते. एकादशीशिवाय या दिवशी राजस्थानमध्येही मोठ्या प्रमाणात विवाहसोहळा पार पडणार आहे.