लाल किल्ल्यावर हल्ल्याचा ISIने रचला होता कट; दिल्ली पोलिसांच्या आरोपपत्रात खुलासा!

By, Sachin Sutar - May 11, 2023 11:34:05

0

जानेवारीमध्ये नौशाद आणि जगजीत सिंग या दहशतवाद्यांना दिल्लीच्या जहांगीरपुरी भागातून अटक करण्यात आली होती.

विशेष प्रतिनिधी

नवी दिल्ली : दिल्ली पोलिसांनी पाकिस्तानी गुप्तचर संस्था ISI च्या मोठ्या कटाचा खुलासा केला आहे. दिल्ली पोलिसांनी जानेवारी २०२३ मध्ये नौशाद आणि जगजीत सिंग या दहशतवाद्यांना दिल्लीच्या जहांगीरपुरी भागातून अटक केली होती. The attack on the Red Fort was planned by the ISI Revealed in the charge sheet of Delhi Police

सूत्रांनी दिलेल्या माहितीनुसार नौशाद आणि जगजीत या दहशतवाद्यांना दिल्लीतील लाल किल्ल्यावर तैनात असलेल्या सुरक्षा जवानांवर गोळीबार करण्याचे काम मिळाले होते. या प्रकरणी दिल्ली पोलिसांच्या स्पेशल सेलने १० मे रोजी दिल्लीच्या पटियाला हाऊस कोर्टात आरोपपत्र दाखल केले आहे.

यासोबतच पंजाबमधील बजरंग दलाचा नेता आणि हरिद्वारमधील साधूंना मारण्याची योजनाही आखण्यात आली होती. पंजाबमधील बजरंग दलाच्या नेत्याच्या हत्येसाठी दोन लाख रुपयेही पाठवण्यात आले होते.

नौशाद आणि जगजीत यांनी त्यांच्या हँडलरचा विश्वास जिंकण्यासाठी ही हत्या केल्याचेही तपासात उघड झाले आहे. दोघांनी दिल्लीतून राजा या हिंदू मुलाचे अपहरण करून त्याला दिल्लीतील भालस्व डेअरीमध्ये नेले. दोघांनी त्याचा गळा चिरून त्याचा व्हिडिओ हँडलरला पाठवला होता, त्यानंतर हँडलरचा दोघांवर विश्वास बसला होता.

अटक केलेल्या दोन्ही संशयितांनी पोलिसांसमोर कबुली दिली होती की ते पाकिस्तानमध्ये बसलेल्या त्यांच्या ४ हँडलर्सच्या संपर्कात होते आणि त्यांचा उद्देश भारतात दहशतवादी नेटवर्क तयार करण्याचा होता. दोन्ही संशयितांनी पोलिसांना सांगितले होते की ते पाकिस्तानातील नाझीर भट, नासीर खान, हरकत-उल-अन्सारचे नाझीर खान आणि हिजबुल मुजाहिद्दीनच्या नदीम यांच्या संपर्कात होते. या सर्वांना आयएसआयच्या निर्देशानुसार काम करण्यास सांगण्यात आले होते.