...म्हणून अमित शाह आणि जेपी नड्डा राम मंदिर प्राणप्रतिष्ठा सोहळ्यासाठी अयोध्येत गेले नाहीत|...so Amit Shah and JP Nadda did not go to Ayodhya for the Ram Mandir Pranapratistha ceremony

…म्हणून अमित शाह आणि जेपी नड्डा राम मंदिर प्राणप्रतिष्ठा सोहळ्यासाठी अयोध्येत गेले नाहीत

जाणून घ्या कारण, जगभरातून व्हीव्हीआयपी लोकांना या सोहळ्यासाठी निमंत्रित केले गेले आहे.

विशेष प्रतिनिधी

नवी दिल्ली : अयोध्येतील राम मंदिरात आज प्राणप्रतिष्ठा सोहळा पार पडला आहे. यासाठी तब्बल विशेष 11000 पाहुण्यांना आमंत्रित करण्यात आले होते. देशभरातील सर्वज क्षेत्रातील व्हीव्हीआयपी आणि दिग्गज या सोहळ्यासाठी अयोध्येत पोहचलेले असताना, केंद्रीय गृहमंत्री अमित शहा आणि भाजपचे राष्ट्रीय अध्यक्ष जेपी नड्डा मात्र अयोध्येत नव्हते. त्यामुळे हे दोघेही का आले नाहीत, असा प्रश्नही सगळ्यांना पडला होता….so Amit Shah and JP Nadda did not go to Ayodhya for the Ram Mandir Pranapratistha ceremony

भारत-म्यानमार सीमेवर सरकार कुंपण घालणार; अमित शाह म्हणाले- दोन्ही देशांमध्ये मुक्त संचारास बंदीचा विचार करू

याबाबत माहिती समोर आली असून, अमित शाह आणि जे पी नड्डा आज दिवसभर राजधानीत दिल्ली राहणार आहेत. अधिकाधिक लोकांना राम लल्लाचा अभिषेक सोहळा आणि अयोध्येतील राम मंदिराचा उद्घाटन सोहळा एकत्रितपणे पाहता यावा यासाठी दिल्ली भाजपकडून विशेष व्यवस्था करण्यात आली आहे. आज राजधानीत केंद्रीय गृहमंत्री अमित शाह आणि भाजपचे राष्ट्रीय अध्यक्ष जे.पी. नड्डा यांच्यासह पक्षाचे वरिष्ठ नेते उपस्थित राहणार आहेत. ते विविध मंदिरांना भेटी देतील आणि पक्षाचे कार्यकर्ते आणि सर्वसामान्य नागरिकांसह प्राणप्रतिष्ठा सोहळा पाहतील.

पक्षाच्या सूत्रांनी दिलेल्या माहितीनुसार, केंद्रीय गृहमंत्री अमित शहा बिर्ला मंदिरात पोहोचतील, तर पक्षाचे अध्यक्ष जे.पी. नड्डा झंडेवालान मंदिरातील अभिषेक सोहळ्याचे साक्षीदार होतील. दोन्ही नेते मंदिरात पूजा आणि प्रसाद वाटपही करतील. दिल्ली भाजपचे प्रभारी बैजयंत जय पांडा आणि प्रदेशाध्यक्ष वीरेंद्र सचदेवा आणि पक्षाचे अनेक ज्येष्ठ नेते येथे उपस्थित राहणार आहेत.