Sidhu Moosewala : सिद्धू मूसेवालाचे वडील २०२७ची पंजाब विधानसभा निवडणूक लढणार

By, Pravin Wankhade - May 28, 2025 08:00:22

0

जाणून घ्या, ते कोणत्या मतदारसंघतून आणि पक्षातून लढणार आहेत?

विशेष प्रतिनिधी

चंदीगड : Sidhu Moosewala प्रसिद्ध पंजाबी गायक सिद्धू मूसेवालाचे वडील बलकौर सिंग यांनी राजकारणात प्रवेश करण्याची मोठी घोषणा केली आहे. त्यांनी २०२७ च्या पंजाब विधानसभा निवडणुकीत मानसा मतदारसंघातून निवडणूक लढवणार असल्याचे सांगितले आहे.Sidhu Moosewala

बलकौर सिंग यांनी एका खासगी वाहिनीला दिलेल्या मुलाखतीत ही घोषणा केली. त्यांनी सांगितले की ते त्यांचा मुलगा सिद्धू मूसेवालाचा वारसा पुढे नेण्यासाठी आणि न्यायासाठी जोरदार लढा देण्याच्या उद्देशाने राजकारणात प्रवेश करत आहेत.

Fadnavis : फडणवीसांचा काँग्रेसवर पलटवार; त्यांच्या डोक्यात पाकचा व्हायरस, यांना शेती अन् युद्धाच्या ड्रोनमधील फरकही कळत नाही

बलकौर सिंग यांनी त्यांच्या विधानात म्हटले आहे की, “हो, मी निवडणूक लढवणार. व्यवस्थेच्या मध्यभागी येऊनच आपण न्यायाबद्दल बोलू शकतो.” त्यांनी पंजाबच्या मुख्यमंत्र्यांवरही हल्ला चढवला आणि म्हटले की, “मुख्यमंत्री जे काही बोलतात ते फसवे ठरते. जेव्हा जेव्हा निवडणुका येतात तेव्हा ते जिंकण्यासाठी काहीही बोलतात.”

गोल्डी ब्रारच्या अटकेच्या मुख्यमंत्र्यांच्या दाव्यावर ते म्हणाले, “मला त्यावर भाष्य करावे वाटत नाही कारण त्यांचा खोटारडेपणा प्रत्येक वेळी उघड होतो. जेव्हा जेव्हा निवडणुका येतात तेव्हा ते जिंकण्यासाठी काहीही बोलत असतात.”

तथापि, बलकौर सिंग यांनी अद्याप ते कोणत्या पक्षाकडून निवडणूक लढवणार हे स्पष्ट केलेले नाही. त्यांनी याबाबत कोणतीही अधिकृत घोषणा केलेली नाही. बलकौर सिंग यांचे हे पाऊल मूसेवालाच्या समर्थकांसाठी एक नवीन आशेचे प्रतीक म्हणून पाहिले जात आहे.