Shubanshu Shukla : अ‍ॅक्सिओम-४ मिशन: ‘माझा तिरंगा माझ्या खांद्यावर, जय हिंद, जय भारत’

By, Pravin Wankhade - June 25, 2025 08:00:21

0

शुभांशू शुक्लाचा अंतराळातून आला पहिला संदेश

विशेष प्रतिनिधी

नवी दिल्ली – Shubanshu Shukla भारताचे शुभांशू शुक्ला यांनी केनेडी स्पेस सेंटरमधून अ‍ॅक्सिओम-४ मिशनसाठी इतर तीन अंतराळवीरांसह अंतराळात उड्डाण केले आहे. या अभियानाचे नेतृत्व शुभांशू शुक्ला हेच करत आहेत. त्यांनी अवकाशात पोहोचताच देशासाठी पहिला संदेश पाठवला. शुभांशू म्हणाले की माझ्या खांद्यावर माझा तिरंगा आहे. संपूर्ण देश माझ्यासोबत आहे. अंतराळ मोहिमेवर जाण्यापूर्वी त्यांनी सर्वांचे आभार मानले.Shubanshu Shukla

अमेरिकेतील फ्लोरिडा येथील नासाच्या केनेडी स्पेस सेंटरपासून सुरू झालेल्या मोहिमेत क्रू कंपनीचे फाल्कन ९ रॉकेट वापरले जात आहे. सर्व अंतराळवीर नवीन स्पेसएक्स ड्रॅगन अंतराळयानात आहेत. अवकाशात पोहोचल्यानंतर शुभांशूने देशासाठी पहिला संदेश पाठवला.

त्रिभाषा सूत्रावर सर्व संबंधितांशी बोलूनच अंतिम निर्णय; मुख्यमंत्री देवेंद्र फडणवीस यांचे आश्वासन

भारतीय अंतराळवीर शुभांशू शुक्ला म्हणाले, “नमस्कार, माझ्या प्रिय देशवासीयांनो! आपण ४१ वर्षांनी पुन्हा अवकाशात पोहोचलो आहोत. हा एक अद्भुत प्रवास आहे. आपण पृथ्वीभोवती ७.५ किलोमीटर प्रति सेकंद वेगाने प्रदक्षिणा घालत आहोत. माझ्या खांद्यावरील माझा तिरंगा मला सांगतो की मी तुम्हा सर्वांसोबत आहे. माझा हा प्रवास आंतरराष्ट्रीय अंतराळ स्थानकाची (ISS) सुरुवात नाही, तर ही भारताच्या मानवी अंतराळ कार्यक्रमाची सुरुवात आहे. तुम्ही सर्वांनी या प्रवासाचा भाग व्हावे अशी माझी इच्छा आहे. तुमची छातीही अभिमानाने फुलली पाहिजे. चला आपण सर्व मिळून भारताचा मानव अंतराळ कार्यक्रम सुरू करूया. जय हिंद! जय भारत!”

अ‍ॅक्सिओम-४ मोहिमेवर गेलेल्या अंतराळवीर शुभांशू शुक्ला यांच्या कुटुंबात आनंदाचे वातावरण आहे. कुटुंबाने त्यांच्या मुलाच्या कामगिरीचा अभिमान असल्याचे सांगितले. शुभांशूच्या संपूर्ण कुटुंबाने आनंद व्यक्त केला आहे. कुटुंबाने म्हटले आहे की त्याच्यामुळे आज आमची छाती अभिमानाने फुलली आहे.