रशियाने युक्रेनशी युद्ध घोषित केले आहे. यानंतर अमेरिकेचे राष्ट्राध्यक्ष जो बायडेन यांनी सांगितले आहे की ते या संपूर्ण प्रकरणावर लक्ष ठेवून आहेत आणि दुसऱ्या दिवशी ते G-7 आणि NATO गटातील देशांसोबत बैठक घेणार आहेत. या युद्धामुळे झालेल्या मृत्यू आणि विनाशासाठी जग रशियाला जबाबदार धरेल, असे ते म्हणाले. बायडेन सध्या व्हाईट हाऊसमधून संपूर्ण प्रकरणावर लक्ष ठेवून आहेत आणि त्यांच्या राष्ट्रीय सुरक्षा टीमकडून सतत अपडेट मिळत आहेत. अमेरिकेने रशियावर यापूर्वीच अनेक प्रकारचे निर्बंध लादले आहेत. Russia – Ukraine War US President Biden Says Only Russia Will Be Responsible For Deaths And Destruction
वृत्तसंस्था
वॉशिंग्टन : रशियाने युक्रेनशी युद्ध घोषित केले आहे. यानंतर अमेरिकेचे राष्ट्राध्यक्ष जो बायडेन यांनी सांगितले आहे की ते या संपूर्ण प्रकरणावर लक्ष ठेवून आहेत आणि दुसऱ्या दिवशी ते G-7 आणि NATO गटातील देशांसोबत बैठक घेणार आहेत. या युद्धामुळे झालेल्या मृत्यू आणि विनाशासाठी जग रशियाला जबाबदार धरेल, असे ते म्हणाले. बायडेन सध्या व्हाईट हाऊसमधून संपूर्ण प्रकरणावर लक्ष ठेवून आहेत आणि त्यांच्या राष्ट्रीय सुरक्षा टीमकडून सतत अपडेट मिळत आहेत. अमेरिकेने रशियावर यापूर्वीच अनेक प्रकारचे निर्बंध लादले आहेत.
पुतीन यांनी युक्रेनच्या लष्कराला शस्त्र खाली ठेवून मायदेशी परतण्यास सांगितले आहे. अन्यथा हे युद्ध टाळता येणार नाही. यासोबतच रशियाने उर्वरित देशांना इशारा दिला आहे की, जर अन्य देशांनी हस्तक्षेप केला तर त्यांच्यावरही तत्काळ प्रत्युत्तराची कारवाई केली जाईल.
रशियाच्या कृतीला आम्ही एकजुटीने उत्तर देत राहू, असे सुरक्षा परिषदेतील अमेरिकेच्या प्रतिनिधीने सांगितले. आम्ही येथे रशियाला थांबण्याचे आवाहन करण्यासाठी आलो आहोत, त्यांनी सीमेवर परत यावे, सैनिकांना बॅरेकमध्ये परत पाठवावे. तुमच्या मुत्सद्दींना वाटाघाटीच्या टेबलावर आणा. रशियाने युक्रेनच्या सार्वभौमत्वाचे अक्षरश: उल्लंघन केले आहे.
युक्रेनमध्ये आणीबाणी जाहीर करण्यात आली आहे. यासोबतच युक्रेनमधील 30 लाख लोकांना रशिया सोडण्यास सांगण्यात आले आहे. युक्रेनच्या संसदेनेही सामान्य लोकांकडे शस्त्रे ठेवण्याचा ठराव मंजूर केला आहे. रशियाने याआधीही युक्रेनच्या अंतर्गत सुरक्षा, परराष्ट्र आणि बँकेशी संबंधित महत्त्वाच्या वेबसाइटवर सायबर हल्ले केले आहेत. यापूर्वी युक्रेनच्या राष्ट्राध्यक्षांनीही रशियाच्या जनतेला शांततेचे आवाहन केले आहे.
To be published, comments must be reviewed by the administrator.*
Our website uses cookies to improve your experience. Learn more
Download App