विशेष प्रतिनिधी
नवी दिल्ली : मोदी सरकार वरील अविश्वास ठरावाच्या वेळी काँग्रेस खासदार राहुल गांधींनी काल जे भाषण केले, त्यामध्ये त्यांनी “हत्या” शब्दापासून अनेक असंसदीय शब्द वापरले होते, ते सगळे शब्द लोकसभेतील रेकॉर्ड मधून हटविण्यात आले आहेत. लोकसभेचे सभापती ओम बिर्ला यांनी लोकसभा सचिवालयाला तसा आदेश दिला आणि त्या आदेशाची अंमलबजावणी करून घेतली. Rahul gandhi speech in parliament word murder
राहुल गांधींनी कालच्या भाषणात मोदी सरकारवर भारतमातेची मणिपूरमध्ये हत्या केल्याचा आरोप केला होता. त्याचवेळी मोदी सरकारला त्यांनी देशद्रोही, गद्दार भारत मा की आवाज मारने वाली सरकार अशा शेलक्या शब्दांनी संबोधले होते. “हत्या” शब्दाबरोबरच त्यांच्या भाषणातले “देशद्रोही”, “गद्दार”, “मारा गया” हे शब्द देखील लोकसभेच्या रेकॉर्डमधून हटविण्यात आले आहेत.
लोकसभेच्या रेकॉर्डला कायद्याच्या पातळीवर विशिष्ट महत्त्व आहे. राहुल गांधींच्या भाषणाचे व्हिडिओ आज जरी वेगवेगळ्या वृत्तवाहिन्यांवर उपलब्ध असले आणि ते यापुढे ही राहणार असले तरी लोकसभेच्या रेकॉर्डमधून जेव्हा त्यांच्या भाषणातले “हत्या”, “देशद्रोही”, “गद्दार”, “मारा गया” असे शब्द हटविले याचा अर्थ लोकसभेने आपले रेकॉर्ड क्लिअर केले असा धरला जाईल. त्याचवेळी राहुल गांधींचे भाषणातले आक्षेपार्ह संसदीय शब्द त्यातल्या संदर्भासह काढून टाकल्याने राहुल गांधी यांच्यावरची पुढची कारवाई टळल्याचे मानले जात आहे.
Rahul gandhi speech in parliament word murder
महत्वाच्या बातम्या
- राहुल गांधी पुन्हा काढणार भारत जोडो यात्रा, यावेळी पश्चिमेकडून पूर्वेकडे गुजरात ते मेघालय असेल मार्ग
- मिस युनिव्हर्स इंडोनेशिया स्पर्धेत सेक्स स्कँडलने खळबळ; आयोजकांनी 6 स्पर्धकांना 20 जणांसमोर टॉपलेस केले
- आता लवकरच ‘भारत जोडो पार्ट – 2′ पाहायला मिळणार, राहुल गांधी गुजरात ते मेघालयपर्यंत जाणार!
- 82 % हिंदूंचा भारत आहेच हिंदू राष्ट्र!!; कमलनाथांना उपरती की नवी राजकीय चलाखी??