कायद्याचा प्रश्न विचारताच राहुल गांधी पत्रकारावरच भडकले; छातीवर भाजपचा बिल्ला लावून या म्हणाले!!|Rahul Gandhi evades legal questions, but targets journalists in his press conference

कायद्याचा प्रश्न विचारताच राहुल गांधी पत्रकारावरच भडकले; छातीवर भाजपचा बिल्ला लावून या म्हणाले!!

वृत्तसंस्था

नवी दिल्ली : काँग्रेसचे निलंबित खासदार राहुल गांधी यांनी दुपारी एक वाजता काँग्रेस मुख्यालयात घेतलेल्या पत्रकार परिषदेत पंतप्रधान नरेंद्र मोदी आणि उद्योगपती गौतम अदानी यांच्या संबंधाबाबत आरोपांच्या फैरी झाडल्या. पण देशातल्या सर्व मोदींना चोर ठरवल्याबद्दल सुरत कोर्टाने जी दोन वर्षाची शिक्षा दिली आहे, त्याविषयी कायदेशीर मुद्द्यावर प्रश्न विचारतात राहुल गांधी पत्रकारांवरच भडकलेले दिसले.Rahul Gandhi evades legal questions, but targets journalists in his press conference

सुरत कोर्टाने आपल्याला दिलेल्या शिक्षेविरोधात आपण कोणते कायदेशीर पाऊल उचलणार आहात??, असा प्रश्न एका पत्रकाराने विचारतात राहुल गांधी भडकले आणि त्या पत्रकारावरच तुम्ही भाजपचे काम करता का?? करायचे असेल तर छातीवर भाजपचा बिल्ला लावून उघडपणे काम करा. स्वतःला पत्रकार म्हणून घेऊ नका, असे सुनावले.

संसद सदस्यत्व रद्द झाल्यानंतर राहुल गांधी पहिल्यांदाच आले प्रसारमाध्यमांसमोर, म्हणाले…

याच पत्रकार परिषदेत राहुल गांधींनी बाकीच्या पत्रकारांवरही आरोप केला. मी नरेंद्र मोदी आणि गौतम अदानी यांच्या संबंधांवर प्रश्नचिन्ह उपस्थित करतोय, तेवढेच दाखवा. भाजपचे नेते मुख्य मुद्द्यावरून ध्यान भटकवण्याचा प्रयत्न करतात, तसा तुम्ही प्रयत्न करू नका, असा राहुल गांधींनी पत्रकारांना न मागताच सल्ला दिला.

#WATCH | "Don’t pretend to be a pressman…Kyun hawa nikal gayi?", says Congress leader Rahul Gandhi to a journalist questioning him on his conviction in 'Modi surname' case pic.twitter.com/SdaaUeraoy

— ANI (@ANI) March 25, 2023

सावरकरांचा पुन्हा अपमान

या पत्रकार परिषदेत देखील त्यांनी सावरकरांचे नाव घेणे सोडले नाही. देशातल्या सर्व मोदींना चोर ठरवण्याच्या तुमच्या वक्तव्याबद्दल तुम्ही माफी मागणार का असा सवाल एका पत्रकाराने राहुल गांधींना विचारला त्यावर माझे नाव राहुल सावरकर नाही. राहुल गांधी आहे, असे उत्तर देऊन राहुल गांधींनी पुन्हा सावरकरांचा अपमान करून भाजपला डिवचले.

https://youtube.com/shorts/JCBBdmChJJo?feature=share