Major Muiz : विंग कमांडर अभिनंदन यांना पकडल्याचा दावा करणाऱ्या पाकिस्तानी मेजर मुईझची हत्या

By, Pravin Wankhade - June 25, 2025 07:00:29

0

फेब्रुवारी २०१९ मध्ये, मोईझ अब्बासचे नाव सर्वात जास्त चर्चेत आले होते

विशेष प्रतिनिधी

नवी दिल्ली – Major Muiz पाकिस्तानी लष्कराच्या स्पेशल सर्व्हिस ग्रुपचे वरिष्ठ अधिकारी मेजर मुईझ यांच्या हत्येची बातमी समोर आले आहे. असे सांगितले जात आहे की टीटीपीने दक्षिण वझिरीस्तानमध्ये मेजर मुईझची हत्या केल्याचा दावा केला आहे. प्रत्यक्षात, मोईझ अब्बास हा तोच पाकिस्तानी अधिकारी आहे ज्याने फेब्रुवारी २०१९ मध्ये भारतीय हवाई दलाचा पायलट विंग कमांडर अभिनंदन यांना पकडल्याचा दावा केला होता. पाकिस्तानी लढाऊ विमानांच्या घुसखोरीला रोखत असताना अभिनंदन यांचे लढाऊ विमान पाकिस्तानात कोसळले होते.Major Muiz

फेब्रुवारी २०१९ मध्ये, मोईझ अब्बासचे नाव सर्वात जास्त चर्चेत आले जेव्हा असा दावा करण्यात आला की त्यांनीच भारतीय पायलट अभिनंदन यांना पकडले होते. यानंतर मोईझ अब्बास यांनी अनेक मुलाखती देखील दिल्या, ज्यामध्ये त्यांनी अभिनंदन यांना कोणत्या परिस्थितीत भेटले हे सांगितले. पाकिस्तानी मीडिया आउटलेट डॉननुसार, खैबर पख्तूनख्वाच्या दक्षिण वझिरीस्तान जिल्ह्यात गुप्तचर-आधारित ऑपरेशन (IBO) दरम्यान मुईझचा मृत्यू झाला.

त्रिभाषा सूत्रावर सर्व संबंधितांशी बोलूनच अंतिम निर्णय; मुख्यमंत्री देवेंद्र फडणवीस यांचे आश्वासन

फेब्रुवारी २०१९ मध्ये बालाकोट एअरस्ट्राईक दरम्यान पाकिस्तानशी झालेल्या हवाई युद्धात अभिनंदन शत्रूच्या लढाऊ विमानांशी लढत होते. शत्रूशी झालेल्या युद्धात त्यांचे मिग २१ विमानही पडले आणि पाकिस्तानने त्यांना ताब्यात घेतले. पाकिस्तानने अभिनंदन यांना तीन दिवस ताब्यात ठेवले होते, मात्र नंतर ते सुरक्षितपणे मायदेशी परतले. त्यावेळी अभिनंदन विंग कमांडर होते.