पायलट होण्याचे स्वप्न पाहणाऱ्या नऊ वर्षांच्या अद्वैतला राहूल गांधांनी घडविली विमानाची सफर|Nine-year-old Advait was dream to see plane fulfilled by Rahul Gandh

पायलट होण्याचे स्वप्न पाहणाऱ्या नऊ वर्षांच्या अद्वैतला राहूल गांधांनी घडविली विमानाची सफर

पायलट होण्याचे स्वप्न पाहणाऱ्या केरळमधील नऊ वर्षांच्या अद्वैतला कॉँग्रेसचे खासदार राहूल गांधी यांनी चक्क विमानाची सफर घडविली. राहूल गांधी त्याला चार्टर्ड विमानात घेऊन गेले आणि विमानाचे तंत्रज्ञानही समजावून सांगितले.Nine-year-old Advait was dream to see plane fulfilled by Rahul Gandhi

विशेष प्रतिनिधी

तिरुअनंतपूरम : पायलट होण्याचे स्वप्न पाहणाऱ्या केरळमधील नऊ वर्षांच्या अद्वैतला कॉँग्रेसचे खासदार राहूल गांधी यांनी चक्क विमानाची सफर घडविली. राहूल गांधी त्याला चार्टर्ड विमानात घेऊन गेले आणि विमानाचे तंत्रज्ञानही समजावून सांगितले.

याबाबत व्हायरल झालेल्या व्हिडीओमध्ये राहूल गांधी कॉकपिटमध्ये अद्वैत या नऊ वर्षांच्या मुलाला विमानाचे तंत्रज्ञान समजून सांगताना दिसत आहे.राहूल गांधी केरळमध्ये दोन दिवसीय प्रचारदौऱ्यावर होते. यावेळी कन्नूर जिल्ह्यातील केझुरकुन्नू या गावात गेले

राहूल गांधी यांना विविध विभागांची माहिती घेण्यासाठी शाळेत पाठवा, लोकसभेत गिरीराज सिंह यांची मागणी!

असता एका स्थानिक हॉटेलात त्यांची आणि नऊ वर्षांच्या अद्वैत याची भेट झाली. अद्वैत अस्खलित इंग्रजी आणि हिंदी बोलत असल्याने त्याच्याशी गप्पा मारायला सुरूवात केली. पायलट बनण्याचे आपले स्वप्न असल्याचे त्याने सांगितले.

त्यानंतर दुसऱ्या दिवशी राहूल गांधी यांनी सर्व तजवीज केली. अद्वैत आणि त्याच्या वडीलांना स्वत:च्या चार्टर्ड विमानात बोलावले. तेथे विमानाचे कॉकपिट त्याला दाखविले. तेथे विमानाच्या महिला पायलटने अद्वैतला उड्डाणामागचे तंत्रज्ञान समजावून सांगितले.

राहूल गांधी यांनी आपल्या इन्स्टाग्राम अकाऊंटवर अद्वैतशी संवादाचा व्हिडीओही शेअर केला आहे. त्यांनी म्हटले आहे की हे तर पहिले पाऊल आहे. अद्वैतचे स्वप्न साकार होईल अशी समाजरचना तयार करून त्याला प्रत्येक संधी उपलब्ध करून देणे हे आपले कर्तव्य आहे.