मणिपूरमध्ये जमावाने बंदी घातलेल्या 12 जणांची सुटका केली; लष्कराने शस्त्रांसह पकडले होते, शेकडो महिलांच्या विरोधामुळे ऑपरेशन थांबले


वृत्तसंस्था

इंफाळ : आरक्षणावरून मणिपूरमधील कुकी आणि मेईतेई समुदायांमध्ये गेल्या 53 दिवसांपासून हिंसाचार सुरू आहे. शनिवारी लष्कराने पूर्व इंफाळमध्ये केलेल्या कारवाईत कांगले यावोल कन्ना लुप (KYKL) या प्रतिबंधित संघटनेच्या 12 कार्यकर्त्यांना अटक केली होती. मात्र शेकडो महिलांच्या विरोधानंतर त्यांना सोडावे लागले.Mob frees 12 banned in Manipur; Caught with weapons by the army, hundreds of women protested and halted the operation

संरक्षण पीआरओने एएनआय या वृत्तसंस्थेला सांगितले की, इंफाळ पूर्वेकडील इथम गावात (अँड्रोपासून 6 किमी पूर्वेकडील) गुप्तचर माहितीनंतर लष्कराने शोध मोहीम सुरू केली होती. लोकांना कोणतीही अडचण येऊ नये म्हणून संपूर्ण परिसराची नाकेबंदी करण्यात आली होती. सुरक्षा दलांनी येथून मोठ्या प्रमाणात शस्त्रास्त्रे आणि दारूगोळा जप्त केला आणि KYKL च्या 12 कार्यकर्त्यांना अटक केली.

मात्र, 1200 ते 1500 लोकांच्या जमावाने सुरक्षा दलांना घेरले. गर्दीचे नेतृत्व महिला आणि काही स्थानिक नेते करत होते. हे लोक KYKLच्या 12 कार्यकर्त्यांना सोडण्याची मागणी करत होते. गर्दीला कोणतीही हानी होऊ नये म्हणून सुरक्षा दलांनी ऑपरेशन मागे घेतले आणि 12 केवायकेएल कॅडरना सोडले.


मणिपूर हिंसाचारावर आज दिल्लीत सर्वपक्षीय बैठक; गृहमंत्री अमित शहा उपस्थित राहणार; राहुल म्हणाले- ही बैठक पंतप्रधानांसाठी गरजेची नाही


कोण आहे कांगले यावोल कन्ना लुप

एएनआयच्या म्हणण्यानुसार, पूर्व इंफाळच्या इथम गावात केवायकेएलचे सुमारे डझनभर कॅडर लपले होते. ते लपल्याची गुप्तचर लष्कराला मिळाली होती. यानंतर कारवाई करत 12 कार्यकर्त्यांना पकडण्यात आले. यामध्ये संघटनेचे स्वयंभू लेफ्टनंट कर्नल मोइरांगथेम तांबा ऊर्फ ​​उत्तम यांचा समावेश होता.

KYKL हा मेईतेई समुदायाचा गट आहे. नुकत्याच झालेल्या हिंसाचारात अनेक ठिकाणी या गटाचे नाव पुढे आले आहे. लष्कराने जारी केलेल्या प्रसिद्धीपत्रकात, उत्तम हा डोगरा यांच्या 6 व्या बटालियनवर 2015 मध्ये झालेल्या हल्ल्याचा मास्टरमाईंड असल्याचे म्हटले आहे.

लष्कराचे स्थानिकांना सहकार्याचे आवाहन

सुरक्षा दलांनी अनेक वेळा सहकार्याचे आवाहन केले, पण त्याचा काही उपयोग झाला नाही. लष्कराने जमावावर कारवाई केली असती तर लोकांचे नुकसान झाले असते. त्यामुळे सैन्याने KYKL लोकांना गावकऱ्यांच्या स्वाधीन केले आणि फक्त जप्त केलेली शस्त्रे आणि दारूगोळा घेऊन निघून गेले. या घटनेनंतर लष्कराने स्थानिक लोकांना लष्कराच्या कारवाईत सहकार्य करण्याचे आवाहन केले आहे.

Mob frees 12 banned in Manipur; Caught with weapons by the army, hundreds of women protested and halted the operation

महत्वाच्या बातम्या 

Array

LEAVE A COMMENT

To be published, comments must be reviewed by the administrator.*



    दगडी चाल फेम अभिनेत्री पूजा सावंत ने गुपचूप उरकला साखरपुडा. श्रीमंत दगडूशेठ गणपती 2023 ब्रिटनचे पंतप्रधान ऋषी सुनक पत्नी अक्षता मूर्तीसह अक्षरधाम मंदिरात