भगवान श्रीराम, तुमच्या चरणी कल्याण सिंह यांना स्थान द्या'; अंत्यदर्शनावेळी पंतप्रधान नरेंद्र मोदी यांचे भावनिक उदगार |Lord Shriram, Kindly give place to Kalyan Singh at your feet '; Prime Minister Narendra Modi's emotional outburst at the funeral

भगवान श्रीराम, तुमच्या चरणी कल्याण सिंह यांना स्थान द्या’; अंत्यदर्शनावेळी पंतप्रधान नरेंद्र मोदी यांचे भावनिक उदगार

वृत्तसंस्था

लखनौ : ”भगवान श्रीराम, तुमच्या चरणी कल्याणसिंह यांना स्थान द्या’; अशा भावनिक शब्दात पंतप्रधान नरेंद्र मोदी यांनी कल्याणसिंह यांना श्रद्धांजली वाहिली.Lord Shriram, Kindly give place to Kalyan Singh at your feet ‘; Prime Minister Narendra Modi’s emotional outburst at the funeral

भाजपचे वरिष्ठ नेते आणि उत्तरप्रदेशाचे माजी मुख्यमंत्री कल्याणसिंह यांचे शनिवारी प्रदीर्घ आजाराने निधन झाले. राममंदिर आंदोलनात त्यांचा सिंहाचा वाटा होता. मंदिरासाठी त्यांनी मुख्यमंत्रीपदाचा त्याग केला होता. अशा रामभक्तांचे निधन झाल्याने तमाम हिंदूंना अतीव दुःख झाले. आज लखनौ येथील मॉल एव्हन्यू या निवासस्थानी त्यांचे पार्थिव अंत्यदर्शनासाठी ठेवले आहे.

सोमनाथ मंदिर परिसरातील तीन भव्य प्रकल्पांचे उद्या पंतप्रधान नरेंद्र मोदी यांच्या हस्ते लोकार्पण

पंतप्रधान नरेंद्र मोदी यांच्या सह मान्यवर कल्याणसिंह यांना श्रद्धांजली वाहण्यासाठी लाखनौला आले. पंतप्रधान मोदी यांनी आपली सर्व कामे बाजूला सारून लखनौ येथे धाव घेतली.त्यावेळी मुख्यमंत्री योगी आदित्यनाथ, भाजपचे अध्यक्ष जे. पी. नड्डा, प्रदेशाध्यक्ष स्वतंत्र सिंह उपस्थित होते.

कल्याणसिंह यांच्या कुटुंबातील सदस्यांना भेटल्यानंतर पंतप्रधान मोदी म्हणाले, ‘आम्ही सर्व त्यांचे आदर्श आणि संकल्प पूर्ण करण्यासाठी कठोर परिश्रम करू. भगवान श्री राम त्यांच्या दिवंगत आत्म्याला त्यांच्या चरणी स्थान देवो.

पत्रकारांशी बोलताना मोदी म्हणाले, कल्याणसिंहजींनी आपले नाव सार्थ केले आणि आयुष्यभर लोकांसाठी काम करताना नेहमी लोककल्याणाला प्राधान्य दिले. ते सर्वसामान्यांसाठी प्रेरणास्थान बनले. कल्याण सिंह यांचा आदर्श आणि संकल्पांपासून प्रेरणा घेऊन जास्तीत जास्त प्रयत्न करावेत आणि त्यांची स्वप्ने पूर्ण करण्याचा प्रयत्न करण्यात कोणतीही कसर ठेवू नका, असे आवाहन त्यांनी केले.