वृत्तसंस्था
नवी दिल्ली : Kejriwal’s दिल्लीचे माजी मुख्यमंत्री आणि आम आदमी पार्टीचे (आप) संयोजक अरविंद केजरीवाल यांनी शुक्रवारी ‘आप’च्या ‘रेवडी पे चर्चा’ मोहिमेला सुरुवात केली. दिल्ली विधानसभा निवडणुका तोंडावर आल्याचे त्यांनी शुक्रवारी सांगितले. आजपासून ‘रेवडी पे चर्चा’ मोहीम सुरू करणार आहोत. संपूर्ण दिल्लीत 65 हजार सभा होणार आहेत. आमच्या सरकारचे 6 मोफत ‘रेवडी’ वाला पॅम्प्लेटचे वाटप करणार.Kejriwal’s
ते म्हणाले, ‘आम्ही दिल्लीत खूप काम केले आहे. आम्ही दिल्लीतील लोकांना 6 मोफत सुविधा ‘रेवडी’ दिल्या आहेत. आम्ही दिल्लीतील जनतेला विचारू इच्छितो की त्यांना ही ‘रेवडी’ हवी आहे की नाही? दिल्ली विधानसभेचा सध्याचा कार्यकाळ 23 फेब्रुवारी 2025 रोजी संपत आहे. गेल्या विधानसभा निवडणुका फेब्रुवारी 2020 मध्ये झाल्या होत्या, ज्यामध्ये आम आदमी पक्षाने पूर्ण बहुमत आणि 70 पैकी 62 जागा जिंकल्या होत्या.
आपल्याकडे जेवढी पावर आहे तेवढीच केंद्राकडे आहे केजरीवाल म्हणाले, ‘आपचे कार्यकर्ते मतदारांना विचारतील की भाजपने गेल्या 10 वर्षांत दिल्लीसाठी काय केले, कारण राष्ट्रीय राजधानी अर्धे राज्य आहे, इथे केंद्र सरकारकडे आमच्याइतकी सत्ता आहे. 20 राज्यांमध्ये भाजपची सत्ता आहे. ते ही मोफत ‘रेवडी’ एकाच राज्यात देत नाहीत. कारण तो त्यांचा हेतू नाही. या सुविधा कशा दिल्या जातात हे फक्त ‘आप’ला माहीत आहे. भाजपने फक्त दिल्ली सरकारची कामे थांबवली आहेत.
केजरीवाल फ्रीची ‘रेवडी’ देत आहेत, हे थांबवायला हवे, असे पीएम मोदींनी अनेकदा म्हटले आहे. आम्ही होय म्हणतो, आम्ही ही मोफतची ‘रेवडी’ देत आहोत.
शहा आणि हरदीप पुरी यांनी खोटी आश्वासने दिली
केजरीवाल म्हणाले की, केंद्रीय गृहमंत्री अमित शहा आणि हरदीप पुरी यांनी गेल्या निवडणुकीत पूर्वांचली समाजाला खोटी आश्वासने दिली होती. त्यांनी अनधिकृत वसाहतींची नोंदणी करण्याचे आश्वासन दिले होते. मात्र पाच वर्षांत एकही नोंदणी पूर्ण झाली नाही. उलट, आम्ही पूर्वांचलच्या रहिवाशांच्या जीवाचा आदर केला आहे.
दिल्ली विधानसभा निवडणूक- AAP ची पहिली यादी जाहीर
AAP ने दिल्ली विधानसभा निवडणुकीसाठी 11 उमेदवारांची पहिली यादी जाहीर केली. यामध्ये भाजप किंवा काँग्रेस सोडून ‘आप’मध्ये दाखल झालेले सहा नेते आहेत. ब्रह्मसिंह तंवर, बीबी त्यागी आणि अनिल झा यांनी नुकतेच भाजप सोडले होते. तर झुबेर चौधरी, वीरसिंग धिंगण आणि सुमेश शौकीन यांनी काँग्रेसमधून आपमध्ये प्रवेश केला.
