मोहरम मिरवणुकीत भीषण दुर्घटना! ‘ताजिया’ हायटेंशन वायरला धडकला, चार जणांचा मृत्यू Horrible accident in Muharram procession Tajia hits high tension wire four dead

मोहरम मिरवणुकीत भीषण दुर्घटना! ‘ताजिया’ हायटेंशन वायरला धडकला, चार जणांचा मृत्यू

नऊ जणांची प्रकृती चिंताजनक रुग्णालयात उपचार सुरू

विशेष प्रतिनिधी

झारखंड : बोकारोच्या पेटरवार पोलीस ठाण्यांतर्गत असलेल्या खेतको गावात मोहरमच्या ताजिया मिरवणुकीत मोठी दुर्घटना घडली. येथे ताजिया काढताना 13 जण 11,000 व्होल्ट वायरच्या दाबा खाली आले. सर्वांना बीजीएच बोकारो येथील रुग्णालयात दाखल करण्यात आले, मात्र उपचारादरम्यान चौघांचा मृत्यू झाला. त्याचबरोबर नऊ जणांची प्रकृती गंभीर असल्याचे सांगण्यात येत आहे. Horrible accident in Muharram procession Tajia hits high tension wire four dead

या घटनेनंतर लोकांमध्ये हाहाकार उडाला. मिळालेल्या माहितीनुसार, ही घटना पहाटे साडेपाच वाजता घडली. असे बोलले जात आहे की लोक ताजियाला इमाम बडा येथे हलवणार होते. त्यादरम्यान ही दुर्घटना घडली.

मृतांमध्ये आसिफ रझा (21), इनामुल रब (35), गुलाम हुसेन आणि साजिद अन्सारी (18) यांचा समावेश आहे. जखमींमध्ये सलुद्दीन अन्सारी, इब्राहिम अन्सारी, लाल मोहम्मद, फिरदौस अन्सारी, मेहताब अन्सारी, आरिफ अन्सारी, मोजोबिल अन्सारी आणि साकिब अन्सारी आणि अन्य एकाचा समावेश आहे.