गुजरातेत दर्गा हटवण्याच्या नोटिशीवरून हिसाचार, समाजकंटकांनी पेटवली वाहने, डीएसपीसह 4 पोलीस जखमी|Harassment over notice to remove dargah in Gujarat, vehicles set on fire by miscreants, 4 policemen including DSP injured

गुजरातेत दर्गा हटवण्याच्या नोटिशीवरून हिसाचार, समाजकंटकांनी पेटवली वाहने, डीएसपीसह 4 पोलीस जखमी

वृत्तसंस्था

अहमदाबाद : गुजरातमधील जुनागढमध्ये शुक्रवारी रात्री बेकायदेशीर दर्ग्यावरून मोठा गदारोळ झाला. दर्ग्याच्या बेकायदा बांधकामाबाबत प्रशासनाने नोटीस बजावल्यानंतर लोक संतप्त झाले आणि त्यांनी पोलिसांवरच निशाणा साधला. यादरम्यान माजेवाडी चौकात असलेल्या पोलिस चौकीवर हल्लेखोरांच्या जमावाने तोडफोड करून वाहने पेटवून दिली. एवढेच नाही, तर पोलिस ठाण्यावरही दगडफेक करण्यात आली.Harassment over notice to remove dargah in Gujarat, vehicles set on fire by miscreants, 4 policemen including DSP injured

पोलिसांवर हल्ला

संध्याकाळी सात वाजल्यापासून लोक जमू लागले आणि नऊ वाजेपर्यंत 200-300 लोक दर्ग्याभोवती जमले. पोलिसांनी त्यांना या ठिकाणाहून हटवण्याचा प्रयत्न केला असता त्यांनी दगडफेक सुरू केली आणि पोलिसांवर हल्ला केला. या हल्ल्यात एक डेप्युटी एसपी आणि तीन पोलीस जखमी झाले आहेत. सध्या परिस्थिती नियंत्रणात असून पोलीस संपूर्ण शहरात कसून चौकशी करत आहेत.

गुजरातेतून 40,000 महिला बेपत्ता झाल्याचा दावा करणाऱ्यांची पोलखोल, पोलिसांनी सांगितले वास्तव, वाचा सविस्तर

काय आहे प्रकरण?

खरे तर जुनागडमधील माजेवाडी गेटसमोर रस्त्याच्या मधोमध एक दर्गा बांधण्यात आला आहे. तो काढण्यासाठी महापालिकेच्या वतीने वरिष्ठ नगररचनाकारांना नोटीस बजावण्यात आली होती. हे धार्मिक स्थळ बेकायदेशीरपणे बांधण्यात आल्याचे नोटीसमध्ये लिहिले होते. पाच दिवसांच्या आत या धार्मिक स्थळाच्या कायदेशीर वैधतेचे पुरावे सादर करावेत, अन्यथा हे धार्मिक स्थळ पाडण्यात येईल आणि त्याची किंमत तुम्हाला मोजावी लागेल. धार्मिक स्थळ (दर्गा) पाडण्याची नोटीस लावण्यासाठी महापालिकेचे अधिकारी पोहोचले होते. नोटीस वाचताच समाजकंटक जमा झाले आणि त्यांनी घोषणाबाजी सुरू केली. पोलिसांनी त्यांना रोखण्याचा प्रयत्न केला असता ते आक्रमक झाले.

नोटीसमध्ये काय म्हटले…

जुनागड महानगरपालिकेने नोटीसमध्ये नमूद केलेल्या बाबींमध्ये म्हटले आहे की, ‘आपल्याला याद्वारे कळविण्यात येते की, माननीय सर्वोच्च न्यायालयाच्या आदेशानुसार, जुनागड महानगरपालिकेच्या हद्दीत सार्वजनिक ठिकाणी कोणतीही धार्मिक अतिक्रमण करण्यात येऊ नये आणि बेकायदेशीर धार्मिक विधी करू नयेत. या संदर्भात तुम्हाला अधिकृत आधार पुरावा/मालकीचा पुरावा दिनांक-5 रोजी येथे सादर करण्यास सूचित केले जात आहे.”