GST Council meeting :ऑनलाइन गेमिंग, हॉर्स रेसिंग, कॅसिनोवर आता २८ टक्के जीएसटी;, चित्रपटगृहांमध्ये खाद्यपदार्थ स्वस्त


जीएसटी कौन्सिलच्या 50 व्या बैठकीत हा निर्णय घेण्यात आला आहे.

विशेष प्रतिनिधी

नवी दिल्ली : GST कौन्सिलने ऑनलाइन गेमिंग, हॉर्स रेसिंग आणि कॅसिनोवर २८% GST लावण्याचा निर्णय घेतला आहे. संपूर्ण मूल्यावर जीएसटी वसूल केला जाईल. जीएसटी कौन्सिलच्या 50 व्या बैठकीत हा निर्णय घेण्यात आला आहे. जीएसटी कायद्यात दुरुस्ती केल्यानंतर हा नियम लागू होणार आहे.  GST Council meeting 28 percent GST now on online gaming, horse racing casinos cheaper food in theaters

जीएसटी कौन्सिलने सिनेमाच्या तिकिटांसह पॉपकॉर्न आणि कोल्ड्रिंक्ससारख्या खाद्यपदार्थांवर जीएसटीबाबत आपली भूमिका स्पष्ट केली आहे. आता या सर्व गोष्टी कम्पोजिट सप्लाई म्हणून गणल्या जातील आणि मुख्य पुरवठा म्हणजेच सिनेमाच्या तिकीटाप्रमाणेच कर आकारला जाईल. म्हणजेच सिनेमागृहातील रेस्टॉरंटमधील खाण्यापिण्यावर आता ५ टक्के जीएसटी भरावा लागणार आहे, जो पूर्वी १८ टक्के होता. जीएसटी कौन्सिलने अपीलीय न्यायाधिकरणाच्या स्थापनेलाही मान्यता दिली आहे.

जीएसटी कौन्सिलच्या बैठकीबाबत माहिती देताना अर्थमंत्री निर्मला सीतारामन यांनी सांगितले की, चार वस्तूंचे जीएसटी दर कमी करण्यात आले आहेत. फिश पेस्टवरील जीएसटी १८ टक्क्यांवरून ५ टक्के करण्यात आला आहे. जरीवरील GST दरही कमी करण्यात आले आहेत. यावरील जीएसटी सध्याच्या १२ टक्क्यांवरून ५ टक्के करण्यात आला आहे.

जीएसटी कौन्सिलच्या बैठकीत कर्करोगावरील औषधांच्या आयातीवरील जीएसटी रद्द करण्याचा निर्णय घेण्यात आला आहे. यासोबतच विशेष औषधांसाठी औषध आणि अन्नावरील IGSTही रद्द करण्यात आला आहे. जीएसटी कौन्सिलच्या या निर्णयामुळे कॅन्सरवरील औषध Dintuvximab आयात स्वस्त होईल.

GST Council meeting 28 percent GST now on online gaming horse racing casinos cheaper food in theaters

महत्वाच्या बातम्या 

LEAVE A COMMENT

To be published, comments must be reviewed by the administrator.*