Modi government : मोदी सरकारकडून गुड न्यूज! आता ‘पीएफ’मधून ५ लाखांपर्यंतची रक्कमही सहज काढता येणार

By, Pravin Wankhade - June 25, 2025 08:00:29

0

मोदी सरकारच्या “इज ऑफ लिव्हिंग” धोरणांतर्गत हे पाऊल उचलण्यात आले आहे

विशेष प्रतिनिधी

नवी दिल्ली – Modi government मोदी सरकारने कर्मचारी भविष्य निर्वाह निधी संघटनेशी (ईपीएफओ) संबंधित कोट्यवधी कर्मचाऱ्यांना मोठा दिलासा दिला आहे. सरकारने ईपीएफओच्या अॅडव्हान्सचा क्लेम ऑटो-सेटलमेंटची मर्यादा १ लाखांवरून ५ लाखांपर्यंत वाढवली आहे. हा निर्णय जून २०२५ पासून लागू झाला आहे.Modi government

पूर्वी ही मर्यादा मे २०२४ पर्यंत १ लाख होती. म्हणजेच, आता कर्मचारी कोणत्याही हस्तक्षेपाशिवाय थेट ५ लाखांपर्यंतच्या आगाऊ रकमेचा दावा करू शकतील आणि तेही फक्त ३ दिवसांत (७२ तास) त्यांच्या खात्यात हस्तांतरित केले जाईल.

त्रिभाषा सूत्रावर सर्व संबंधितांशी बोलूनच अंतिम निर्णय; मुख्यमंत्री देवेंद्र फडणवीस यांचे आश्वासन

या संदर्भात माहिती देताना केंद्रीय मंत्री मनसुख मांडविया म्हणाले की, देशातील कर्मचाऱ्यांना जलद आर्थिक मदत मिळावी म्हणून मोदी सरकारच्या “इज ऑफ लिव्हिंग” धोरणांतर्गत हे पाऊल उचलण्यात आले आहे.

२०२४-२५ या आर्थिक वर्षात २.३२ कोटी ऑटो-क्लेम निकाली काढण्यात आले. त्याच वेळी, २०२३-२४ मध्ये हा आकडा फक्त ८९.५२ लाख होता. याचा अर्थ असा की ऑटो-सेटलमेंट एका वर्षात तिप्पट वेगाने झाले आहे. आता ७२ तासांत पेमेंट केले जाईल.

ईपीएफओने म्हटले आहे की जे सदस्य अॅडव्हान्सचा दावा करतील, त्यांचा दावा आता ३ कामकाजाच्या दिवसांत (७२ तास) ऑटो-मोडमध्ये निकाली काढला जाईल. यामुळे लाखो कर्मचाऱ्यांना तातडीच्या गरजेनुसार पैसे सहज मिळू शकतील. सरकारच्या या पावलामुळे कर्मचाऱ्यांना दिलासा मिळालाच नाही तर डिजिटल इंडिया आणि पारदर्शकतेच्या ध्येयाकडे हा एक मोठा पाऊल आहे.