आयुर्वेदाचे पितामह डॉ. पी. के. वारियर यांचे केरळमध्ये निधन

By, Pravin Wankhade - July 11, 2021 12:31:02

0

विशेष प्रतिनिधी

मलाप्पुरम – आयुर्वेदाचे पितामह आणि कोटक्कल आर्य वैद्यशाळेचे (केएएस) व्यवस्थापकीय विश्वेस्त डॉ. पी. के. वारियर (वय १००) यांचे निधन झाले. Dr. P. K. Warrier no more

५ जून१९२१ रोजी श्रीधरन नंबूदिरी आणि पन्नियमपिल्ली कुन्ही वारियर यांच्या घरी जन्मलेले पन्नियमपिल्ली कृष्णनकुट्टी वारियर यांचे शालेय शिक्षण कोट्टक्कल येथे झाले. वयाच्या विसाव्या वर्षी ते केएएसमध्ये दाखल झाले. शिक्षण सोडून ते भारत छोडो आंदोलनात सामील झाले. मात्र नंतर त्यांनी परत अभ्यास सुरू केला. वयाच्या २४ व्या वर्षी ते केएएसचे विश्वयस्त बनले.

नारायण राणे MSME मंत्री, मनसुख मांडविया – आरोग्यमंत्री, धर्मेंद्र प्रधान – शिक्षणमंत्री, ज्योतिरादित्य शिंदे – नागरी हवाई वाहतूकमंत्री तर अनुराग ठाकूर माहिती प्रसारण मंत्री

आयुर्वेद क्षेत्रातील योगदानाबद्दल डॉ. वारियर यांना १९९९ रोजी पद्मश्री आणि २०१० रोजी पद्मभूषण पुरस्काराने गौरवण्यात आले. उपचाराच्या रुपातून वारियर यांनी आयुर्वेद उपचाराला लोकप्रियता मिळवून दिली. त्यांचा जन्मशताब्दी सोहळा ८ जून रोजी आयोजित केला होता. मलप्पुरमजवळील कोट्टक्कल येथे प्रसिद्ध आर्य वैद्यशाळा आणि आयुर्वेद मेडिकल कॉलेजमध्ये त्यांच्या पुढाकारातून अनेक सेवा सुरू करण्यात आल्या.

वारियर यांनी भारतातील नाही तर जगभरातील हजारो रुग्णांवर उपचार केले आहेत आणि त्यात दुसऱ्या देशाचे माजी अध्यक्ष, माजी पंतप्रधानांचा देखील समावेश होता. त्यांना आयुर्वेदातील पितामह असेही म्हटले जात असत.