कुस्तीगीर आंदोलनात प्रियांका गांधी, दीपेंद्र हुड्डासह काँग्रेस नेते सामील; आंदोलनाला राजकीय रंग आणि फंडिंगवर प्रश्नचिन्ह!! Congress leaders along with Priyanka Gandhi, Dipendra Hooda joined the Kustigir movement

कुस्तीगीर आंदोलनात प्रियांका गांधी, दीपेंद्र हुड्डासह काँग्रेस नेते सामील; आंदोलनाला राजकीय रंग आणि फंडिंगवर प्रश्नचिन्ह!!

विशेष प्रतिनिधी

नवी दिल्ली : कुस्तीगीर महासंघाचे अध्यक्ष भाजपचे खासदार ब्रशभूषण सिंह यांच्या विरोधात कुस्तीगीरांनी दिल्लीतल्या जंतर मंतर चालवलेल्या आंदोलनात प्रियांका गांधी, दिपेंद्र हुड्डा यांच्यासह काँग्रेस नेते आले आणि त्याला जो राजकीय रंग आला, त्यामुळे आंदोलनकर्ते कुस्तीगीर अडचणीत आले आहेत. साक्षी मलिकला पुढे येऊन आपण कोणत्याही राजकीय पक्षाचे समर्थन करत नसते, असे जाहीर सांगावे लागत आहे. Congress leaders along with Priyanka Gandhi, Dipendra Hooda joined the Kustigir movement

त्याचवेळी कुस्तीगीर आंदोलनाला फंडिंग कोण करते आहे?? कारण तिथे आता महागड्या गाद्या, कुलर, कुस्तीगीरांचे जेवण यावरच्या खर्चाचा आकडाच बाहेर आला आहे आणि तो प्रत्येक दिवसाचा 5 लाख रुपये आहे. गाद्या, तंबूंचे दिवसाचे भाडे 27000 आहे.

#WATCH मैं शुरू से ही कह रहा हूं कि इसमें देश के कुछ उद्योगपतियों, जिनको मुझसे कष्ट है और कांग्रेस का हाथ है। आज दिख गया कि इसमें किसका हाथ है: WFI प्रमुख और भाजपा सांसद बृजभूषण शरण सिंह, गोंडा, उत्तर प्रदेश pic.twitter.com/8dWEWFLCvV

— ANI_HindiNews (@AHindinews) April 29, 2023

कृषी कायद्यांविरोधात शेतकरी आंदोलन वाढवताना ज्या पद्धतीने मोठमोठे तंबू, कुलर, एसी एकापाठोपाठ एक आले, तसेच जंतर- मंतरवर चित्र दिसू लागल्याने कुस्तीगीरांच्या आंदोलनासाठी नेमके फंडिंग कोण करत आहे??, या विषयी ठळक प्रश्नचिन्ह निर्माण झाले आहे.

त्यातच ज्यांच्यावर कुस्तीगिरांनी गंभीर आरोप केले आहेत, त्या ब्रजभूषण सिंह यांनी राजीनाम्याची तयारी दाखवतानाच फक्त एकाच परिवारातले आणि एकाच आखाड्यातली कुस्तीगीर आपल्या विरुद्ध आंदोलन करत असल्यावर बोट ठेवले आहे. महाराष्ट्र, मणिपूर, आसाम, आंध्र या राज्यांमध्ये पदक विजेते कुस्तीगीर आंदोलनात का नाही?? फक्त एकाच आखाड्यातल्या आणि एकाच राज्यातल्या म्हणजे हरियाणातल्या कुस्तीगिरांवर अन्याय झाला आहे का??, असा खोचक सवाल ब्रशभूषण सिंह यांनी उपस्थित केला आहे. त्याचबरोबर प्रियांका गांधी आणि दिपेंद्र हुड्डा यांच्या उपस्थितीमुळे कुस्तीगरांच्या आंदोलनामध्ये नेमके कोण सामील आहे हे सिद्ध झाले, असा आरोपही त्यांनी केला.

#WATCH मैं कहना चाहता हूं कि एक ही परिवार और एक ही अखाड़ा क्यों? हरियाणा के अन्य खिलाड़ी क्यों नहीं? हिमाचल, महाराष्ट्र, मध्य प्रदेश आदि राज्यों के खिलाड़ी क्यों नहीं? 12 साल से लगातार इनके साथ यौन उत्पीड़न हो रहा है, वो यौन उत्पीड़न देश के अन्य खिलाड़ियों के साथ क्यों नहीं होता… pic.twitter.com/ButgfNgvGh

— ANI_HindiNews (@AHindinews) April 29, 2023

कुस्तीगिरांच्या आंदोलनाला राजकीय रंग चढत असल्याचे पाहून ऑलिंपिक विजेती कुस्तीगीर साक्षी मलिक हिला पुढे येऊन आम्ही सर्व खेळाडू कोणत्याही राजकीय पक्षाचे समर्थन करत नसल्याचा खुलासा करावा लागला आहे. पण या खुलाशानंतरही आंदोलनाला लागलेला राजकीय रंग फिका पडलेला नाही.