"काँग्रेसने हमासचा निषेध केला नाही कारण..." हिमंता बिस्वा सरमांचं मोठं विधान! Congress did not condemn Hamas because Big statement of Himanta Biswa Sarma

Israel Hamas War : “काँग्रेसने हमासचा निषेध केला नाही कारण…” हिमंता बिस्वा सरमांचं मोठं विधान!

”इंडिया आघाडीच्या घटक पक्षांमध्ये एकता नाही” असंही सरमा यांनी म्हटलं आहे.

विशेष प्रतिनिधी

नवी दिल्ली : तेलंगणातील आगामी विधानसभा निवडणुकीच्या पार्श्वभूमीवर काँग्रेसने पक्षाचे नेते राहुल गांधी यांच्या सांगण्यावरून हमासचा निषेध केला नाही आणि पॅलेस्टाईनला पाठिंबा जाहीर केला, असा आरोप आसामचे मुख्यमंत्री हिमंता सरमा यांनी केला आहे. Congress did not condemn Hamas because Big statement of Himanta Biswa Sarma

आसामच्या मुख्यमंत्र्यांनी असेही म्हटले की, नव्याने स्थापन झालेल्या इंडिया आघाडी च्या घटक पक्षांमध्ये एकता नाही आणि ती केवळ भारतातील लोकांना फसवण्यासाठी स्थापन करण्यात आली आहे. त्यांनी पत्रकारांना सांगितले, “अलीकडेच काँग्रेस कार्यकारिणीची (CWC) बैठक झाली, जिथे हमासच्या मुद्द्यावर चर्चा झाली. यावेळी हमासचा निषेधhttps://thefocusindia.com/international-news/scotlands-willingness-to-grant-asylum-to-gazans-209798/ करणे गरजेचे असल्याचे बैठकीतील सर्वांनी सांगितले. मात्र तेलंगणात निवडणुका येत आहेत त्यामुळे आपण पॅलेस्टाईनला पाठिंबा दिला पाहिजे, असे राहुल गांधी म्हणाले. मी तुम्हाला CWC मध्ये झालेल्या चर्चेबद्दल सांगत आहे. त्यानंतर हा प्रस्ताव मंजूर करण्यात आला.”

सरमा यांनी निदर्शनास आणून दिले की CWC ठरावात हमासबद्दल “एक शब्दही” नव्हता. “आम्ही हमासचा निषेध करतो पण त्याचवेळी आम्ही स्वतंत्र पॅलेस्टाईनला पाठिंबा देण्याच्या भूमिकेवर ठाम आहोत, असे सांगून ते समतोल साधू शकले असते पण त्यांनी तसे केले नाही.” तसेच, सरमा म्हणाले की, दहशतवादाविरोधात कठोर कारवाई व्हायला हवी, पण काँग्रेस आपल्या तुष्टीकरणाच्या राजकारणामुळे भारत दहशतवादाचा बळी असूनही दहशतवादाविरोधात काहीही बोलत नाही.