12वीला 90 टक्के नाहीत म्हणून भाड्याने घर मिळणार नाही, बंगळुरूतील घरमालकाच्या अटी पाहून चक्रावून जाल, व्हॉट्सअपवरील चॅटिंग व्हायरल|Can't get a house on rent because 12th is not 90 percent, get confused by the conditions of the landlord in Bangalore, chatting on WhatsApp goes viral

12वीला 90 टक्के नाहीत म्हणून भाड्याने घर मिळणार नाही, बंगळुरूतील घरमालकाच्या अटी पाहून चक्रावून जाल, व्हॉट्सअपवरील चॅटिंग व्हायरल

प्रतिनिधी

बंगळुरू : कोणत्याही मेट्रो शहरात भाड्याने घर मिळणे अवघड आहे. आणि जर तुम्ही बॅचलर असाल तर हे काम आणखी कठीण होऊन बसते. कारण लोक बॅचलर्सना भाड्याने घरे देण्यास टाळाटाळ करतात आणि जरी ते दिले तरी त्यांना खूप विचित्र अनुभव येतात. विशेषतः बंगळुरूत जर घरमालकाला कळले की तुम्ही आयटी फर्ममध्ये काम करता, तर प्रथम तो तुम्हाला घर देण्यासाठी अनेक अटी घालतो आणि नंतर तो तुम्हाला भाड्याची रक्कम खूप जास्त सांगेल. बंगळुरूत राहणारे बॅचलर अनेकदा त्यांचे अनुभव सोशल मीडियावर शेअर करतात, त्यांना भाड्याचे घर मिळण्यात येणाऱ्या अडचणी त्यात असतात.Can’t get a house on rent because 12th is not 90 percent, get confused by the conditions of the landlord in Bangalore, chatting on WhatsApp goes viral

व्हॉट्सअॅप चॅटचा एक स्क्रीनशॉट सध्या सोशल मीडियावर व्हायरल होत आहे, ज्यामध्ये घरमालक आणि भाड्याने घर शोधत असलेला मुलगा यांच्यातील संभाषण दाखवण्यात आले आहे. या व्हायरल चॅटमध्ये एका घरमालकाने मुलाचे बारावीचे मार्क्स कमी असल्याने एका व्यक्तीला भाड्याने घर देण्यास कसा नकार दिला हे सांगण्यात आले आहे.

आत्मनिर्भर भारत, आता एके ४७ चे आधुनिकीकरण करणार भारतीय कंपनी

"Marks don't decide your future, but it definitely decides whether you get a flat in banglore or not" pic.twitter.com/L0a9Sjms6d

— Shubh (@kadaipaneeeer) April 27, 2023

व्हायरल व्हॉट्सअॅप चॅटमध्ये तुम्ही पाहू शकता की, दोघांमध्ये संभाषण झाले होते, ज्यामध्ये घरमालकाने भाड्याने घर शोधणाऱ्या व्यक्तीला त्याच्या कंपनीचे जॉइनिंग लेटर, त्याचे लिंक्डइन, ट्विटर प्रोफाइल, 12वी गुणपत्रिकेची फोटो कॉपी आणि हायस्कूलच्या मार्कशीट आणि आधार आणि पॅनकार्डच्या फोटो कॉपी देण्याचीही मागणी केली. एवढेच नाही तर घरमालकाने त्या व्यक्तीला 200 शब्दांत स्वतःचे वर्णन करण्यास सांगितले. पुढे तुम्हाला चॅटमध्ये दिसेल की ही सर्व कागदपत्रे दिल्यानंतरही घरमालकाने त्या व्यक्तीला 12वीत केवळ 75 टक्के गुण मिळाल्याने भाड्याने घर देण्यास नकार दिला. घरमालकाच्या म्हणण्यानुसार, तो घर देऊ शकत नाही कारण त्या व्यक्तीचे बारावीत 90 टक्के गुण नाहीत.

शुभ नावाच्या युझरने या व्हॉट्सअॅप चॅटचा स्क्रीनशॉट ट्विटरवर शेअर केला आहे. ट्विटच्या कॅप्शनमध्ये असे लिहिले आहे- “मार्क्स तुमचे भविष्य ठरवत नाहीत, परंतु तुम्हाला बंगळुरूमध्ये फ्लॅट मिळेल की नाही हे निश्चितपणे ठरवतात.” या पोस्टला आतापर्यंत 12 हजारांहून अधिक लोकांनी लाइक केले आहे. या पोस्टच्या कमेंट सेक्शनमध्ये काही लोक त्यांचे अनुभव शेअर करत आहेत, तर काही लोक त्यांच्या प्रतिक्रिया देत आहेत.