केवळ नेत्यांना एकत्र करून अलायन्स होत नाही!!; INDIA आघाडी गठनानंतर केजरीवालांचा व्हिडिओ व्हायरल|An alliance is not made by just bringing together leaders!!; Kejriwal's video goes viral after INDIA Aghadi formation

केवळ नेत्यांना एकत्र करून अलायन्स होत नाही!!; INDIA आघाडी गठनानंतर केजरीवालांचा व्हिडिओ व्हायरल

प्रतिनिधी

मुंबई : बंगलोर मध्ये 26 पक्षाच्या नेत्यांनी एकत्र येऊन विरोधकांची नवी INDIA आघाडी स्थापन केली. या आघाडीत दिल्लीचे मुख्यमंत्री आणि आम आदमी पार्टीचे नेते अरविंद केजरीवालही सहभागी झाले. त्यांनी कालच्या पत्रकार परिषदेला संबोधित देखील केले.An alliance is not made by just bringing together leaders!!; Kejriwal’s video goes viral after INDIA Aghadi formation

केजरीवाल यांच्या नव्या INDIA आघाडीत सामील होण्याच्या पार्श्वभूमीवर त्यांचा एक जुना व्हिडिओ व्हायरल झाला आहे. देशातल्या फक्त नेत्यांना एकत्र करून कोणत्याही अलायन्स होणार नाही, तर 140 कोटी जनतेला एकत्र केल्यावर काही अलायन्स तयार होऊ शकेल. हे तोडामोडीचे राजकारण मला काही कळत नाही. किंवा आघाड्या मला करता येत नाहीत, असे केजरीवाल एका पत्रकार परिषदेत म्हणाले होते. त्यांचा तोच व्हिडिओ व्हायरल झाला आहे आणि त्याच व्हिडिओत ते बंगलोरमध्ये विरोधकांच्या ऐक्याच्या बैठकीला सामील होण्यासाठी जात असल्याचेही दिसत आहे.

यमुनेच्या पुरात दिल्ली बुडाली, महात्मा गांधींची समाधी पाण्यात; सुप्रीम कोर्टाला पाणी थेटले पण केजरीवालांचा “शिशमहाल” कोरडा ठाक!!

मला तोडामोडीचे राजकारण, आघाड्या हे काही समजत नाही. तुम्हाला शाळा बनवायची असेल, हॉस्पिटल बनवायचे असेल, रस्ते बनवायचे असतील तर मला बोलवा, तुम्हाला वीज कनेक्शन ठीक करायचे असेल तर मला बोलवा कारण मी आयटी इंजिनियर आहे. राजकारणी नाही, असे केजरीवाल त्या व्हिडिओत सांगताना दिसत आहेत.

पण केजरीवाल प्रत्यक्षात कालच्या बंगलोर मधल्या नव्या INDIA आघाडीत सामील होऊन पंतप्रधान नरेंद्र मोदींच्या विरोधात उतरले आहेत. केजरीवालांच्या व्हायरल झालेल्या व्हिडिओतून विसंगत राजकीय भूमिका समोर आली आहे.