छत्तीसगडमध्ये काँग्रेसची 6 निवडणूक आश्वासने; KG ते PG शिक्षण मोफत देणार, जात जनगणनाही करणार|6 election promises of Congress in Chhattisgarh; KG to PG education will be provided free, caste census will also be done

छत्तीसगडमध्ये काँग्रेसची 6 निवडणूक आश्वासने; KG ते PG शिक्षण मोफत देणार, जात जनगणनाही करणार

वृत्तसंस्था

रांची : छत्तीसगडमध्ये काँग्रेसने 6 निवडणूक आश्वासने दिली आहेत. पक्षाचे म्हणणे आहे की, राज्यात पुन्हा सरकार बनताच सरकारी शाळांमध्ये केजी ते पीजीपर्यंतचे शिक्षण मोफत केले जाईल. सर्व श्रेणीतील विद्यार्थ्यांना याचा फायदा होणार आहे.6 election promises of Congress in Chhattisgarh; KG to PG education will be provided free, caste census will also be done

सरकार स्थापन होताच जात जनगणना सुरू करण्यात येईल, असे काँग्रेसने म्हटले आहे. याशिवाय तेंदूपत्त्याचा वार्षिक बोनस 4,000 रुपये करण्यात येणार आहे.

”छत्तीसगडमध्ये निवडणूक लढवणार नाही, पण भाजपचे सरकार आल्यास…” रामदास आठवलेंनी मांडली भूमिका!

दोन दिवसांच्या दौऱ्यावर शनिवारी छत्तीसगडमध्ये पोहोचलेले काँग्रेस खासदार राहुल गांधी यांनी बस्तरमध्ये दोन मोठ्या सभा घेतल्या. राहुल यांनी प्रथम उत्तर बस्तरच्या भानुप्रतापपूर मतदारसंघात आणि नंतर कोंडागावच्या फरासगावमध्ये सर्वसाधारण सभेला संबोधित केले. राहुल म्हणाले- काँग्रेस गरिबांसाठी काम करते, पण भाजप गरीबांचा पैसा अदानींना देत आहे. गरीबाच्या मुलाने इंग्रजी बोलू नये असे भाजप नेत्यांना वाटते.

राहुल गांधी म्हणाले- आम्ही जे काही आश्वासन दिले होते ते पूर्ण केले. सरकार स्थापन होताच दोन तासांत आम्ही शेतकऱ्यांचे 10 हजार कोटी रुपयांचे कर्ज माफ केले, वीज बिल निम्मे केले आणि आदिवासींना त्यांच्या जमिनी परत मिळवून दिल्या. काँग्रेसचे सरकार आल्यावर सर्व आश्वासने पूर्ण केली जातील.
आम्ही मनरेगा आणली तेव्हा भाजपने निरुपयोगी म्हटले. आम्ही कामगारांचा आदर केला, कारण आम्हाला माहित आहे की गरीबांना मदत केल्याशिवाय देश मजबूत होऊ शकत नाही. शेतकऱ्यांच्या विरोधात कायदे करून केंद्रातील मोदी सरकारने त्यांचे नुकसान केले आणि अदानींना फायदा करून दिला.

राहुल गांधी दुसऱ्या दिवशी म्हणजे रविवार, 29 ऑक्टोबर रोजी दुपारी 1 वाजता राजनांदगाव येथे आणि दुपारी 2.50 वाजता कावर्धा येथे जाहीर सभांना संबोधित करतील. येथे ते काँग्रेस उमेदवारांच्या बाजूने प्रचार करणार आहेत. दरम्यान, मुख्यमंत्री भूपेश बघेल 30 ऑक्टोबर रोजी दुर्ग जिल्ह्यातील पाटण विधानसभा मतदारसंघातून उमेदवारी अर्ज दाखल करणार आहेत. या नामांकन रॅलीत काँग्रेसच्या राष्ट्रीय सरचिटणीस प्रियांका गांधी सहभागी होणार आहेत.