मोठी दुर्घटना : नायजेरियात 21 मजली इमारत कोसळली, ढिगाऱ्याखाली 100 हून अधिक जण अडकल्याची भीती, आतापर्यंत 6 जण ठार|21-storey building collapses in Nigeria, more than 100 people feared trapped under pile, 6 killed so far

मोठी दुर्घटना : नायजेरियात 21 मजली इमारत कोसळली, ढिगाऱ्याखाली 100 हून अधिक जण अडकल्याची भीती, आतापर्यंत 6 जण ठार

आफ्रिकन देश नायजेरियाची आर्थिक राजधानी लागोसमध्ये एक मोठी दुर्घटना घडली आहे. येथे निर्माणाधीन एक उंच इमारत कोसळून किमान सहा जणांचा मृत्यू झाला आहे. ढिगाऱ्याखाली 100 हून अधिक लोक अडकल्याची भीती व्यक्त केली जात आहे. स्थानिक अधिकाऱ्यांनी ही माहिती दिली आहे. इमारतीचा ढिगारा हटवण्यासाठी यंत्रांचा वापर करण्यात येत आहे. मिळालेल्या माहितीनुसार, ही इमारत 21 मजली होती. लागोसच्या इकोई जिल्ह्यात ही घटना घडली. मदत आणि बचाव कार्यात गुंतलेल्या अधिकाऱ्यांचे म्हणणे आहे की, अनेक कामगार इमारतीत अडकले आहेत.21-storey building collapses in Nigeria, more than 100 people feared trapped under pile, 6 killed so far

वृत्तसंस्था

लागोस : आफ्रिकन देश नायजेरियाची आर्थिक राजधानी लागोसमध्ये एक मोठी दुर्घटना घडली आहे. येथे निर्माणाधीन एक उंच इमारत कोसळून किमान सहा जणांचा मृत्यू झाला आहे. ढिगाऱ्याखाली 100 हून अधिक लोक अडकल्याची भीती व्यक्त केली जात आहे.

स्थानिक अधिकाऱ्यांनी ही माहिती दिली आहे. इमारतीचा ढिगारा हटवण्यासाठी यंत्रांचा वापर करण्यात येत आहे. मिळालेल्या माहितीनुसार, ही इमारत 21 मजली होती. लागोसच्या इकोई जिल्ह्यात ही घटना घडली. मदत आणि बचाव कार्यात गुंतलेल्या अधिकाऱ्यांचे म्हणणे आहे की, अनेक कामगार इमारतीत अडकले आहेत.

नायजेरियातील मशिदीत भीषण गोळीबार, नमाज अदा करण्यासाठी आलेल्या 18 जणांचा मृत्यू, हल्लेखोर फरार

ते म्हणाले की, आता मलबा हटवला जात आहे. ढिगाऱ्याखाली किती लोक गाडले आहेत, हे स्पष्टपणे सांगता येणार नाही. मात्र, 100 हून अधिक लोक बेपत्ता असल्याचे साक्षीदारांचे म्हणणे आहे. घटनास्थळी पोहोचलेल्या अधिकाऱ्यांवर लोकांचा जमाव चांगलाच संतापताना दिसत आहे.

त्यामुळे इमारत कोसळल्यानंतर काही तासांनी बचावकार्य सुरू करण्यात आले. लागोस स्टेट इमर्जन्सी मॅनेजमेंट एजन्सीचे जनरल मॅनेजर फेमी ओके-ओसानायिन्टोलू यांनी सांगितले की, अनेक कामगार ढिगाऱ्याखाली अडकले आहेत. मात्र, त्यांचा नेमका आकडा ते सांगू शकत नाहीत.

चार जणांना वाचवले

चार जणांना जिवंत वाचवण्यात आल्याचे त्यांनी सांगितले. तर अन्य तिघांवर घटनास्थळीच उपचार करण्यात आले. त्यांना किरकोळ जखमा झाल्या. नायजेरियाचे अध्यक्ष मुहम्मद बुहारी यांनी रुग्णालयांसह आपत्कालीन सेवा सक्रिय करण्यासाठी बचाव प्रयत्न तीव्र करण्याचे आवाहन केले आहे. घटनास्थळी बांधकाम कामात गुंतलेल्या लोकांनी एएफपी वृत्तसंस्थेला सांगितले की, इमारत कोसळली तेव्हा त्यांचे डझनभर सहकारी आत होते.