मैत्रिणींबरोबर पार्टी करणाऱ्या तरुणीला बाटलीभर दारुसाठी ६१ हजारांचा गंडा। young woman Purchased Liquor On-line ; But She Was Cheated For 61,000 Rs

मैत्रिणींबरोबर पार्टी करणाऱ्या तरुणीला बाटलीभर दारुसाठी ६१ हजारांचा गंडा

वृत्तसंस्था

मुंबई : मैत्रिणीबरोबर विकेंड पार्टी करणाऱ्या एका तरुणीने ऑनलाइन दारू मागविली होती. परंतु, तिला एका बाटलीभर दारूसाठी ६१ हजार रुपयांचा ऑनलाइन गंडा घातल्याची घटना घडली आहे. young woman Purchased Liquor On-line ; But She Was Cheated For 61,000 Rs

तरुणीनं ऑनलाइन संकेतस्थळाचा वापर करून दारू मागवली होती. तसायबर भामट्यानं १७२० रुपयांचा क्युआर कोड पाठवला होता. पण २तास उलटूनही दारू घरपोच झाली नाही. त्यामुळे संपर्क साधला असता. आरोपींनी तिला बोलण्यात गुंतवून ६१ हजारांची फसवणूक केली आहे.

इगतपुरी येथे रेव्ह पार्टी, बॉलिवुडच्या कोरिओग्राफरसह बिग बॉसच्या अभिनेत्रीला पकडले, दोन बंगल्यांवर पोलिसांचा छापा

दक्षिण मुंबईत राहाणाऱ्या फिर्यादी तरुणीच्या घरी तिच्या दोन मैत्रिणी आल्या होत्या. त्या घरात बसून पार्टी करणार होत्या. संकेतस्थळावरच्या मोबाइल नंबरवर संपर्क करून त्यांनी ऑनलाइन खरेदी केली. त्यांच्या मद्याचं एकूण बील १७२० रुपये झालं होतं. त्याप्रमाणे आरोपी तरुणानं बिलासाठी क्युआर कोड पाठवला. तरुणींनंही डोळे झाकून विश्वास ठेवत क्युआर कोड स्कॅन करत बिलाची रक्कम अदा केली.

दोन तास उलटूनही दारू घरपोच न मिळाल्याने फिर्यादी तरुणीनं पुन्हा त्याच क्रमांकावर संपर्क साधला आणि पैसे परत करण्याची मागणी केली. यावेळी समोरून बोलणाऱ्या व्यक्तीनं फिर्यादी तरुणीला बोलण्यात गुंतवलं. दरम्यान संबंधित सायबर चोरट्यानं तरुणीला १९८०१ रुपयांचे तीन व्यवहार करण्यास भाग पाडलं. काही कळायच्या आत आरोपीने तिच्या अकाऊंटमधून ६१ हजार रुपये ट्रान्सफर करून घेतले.