मुंबईत एका कार्यक्रमादरम्यान गायक सोनू निगमला धक्काबुक्की, ठाकरे गटाच्या आमदार पुत्रावर गुन्हा दाखल|Singer Sonu Nigam was punched during an event in Mumbai, a case has been filed against Thackeray group MLA's son

मुंबईत एका कार्यक्रमादरम्यान गायक सोनू निगमला धक्काबुक्की, ठाकरे गटाच्या आमदार पुत्रावर गुन्हा दाखल

वृत्तसंस्था

मुंबई : बॉलिवूड गायक सोनू निगमला लाइव्ह शोदरम्यान काही लोकांनी मारहाण केली. ज्यात त्यांच्या उस्तादाचा मुलगा रब्बानी खान जखमी झाला. त्यांना उपचारासाठी रुग्णालयात पाठवण्यात आले, तेथून त्यांना नंतर घरी पाठवण्यात आले. त्याचवेळी सोनू निगमनेही चेंबूर पोलीस ठाण्यात याप्रकरणी तक्रार दाखल केली आहे. यानंतर पोलिसांनी या प्रकरणाचा तपास सुरू केला असून धक्काबुक्की करणाऱ्यांची ओळख पटवली जात आहे.Singer Sonu Nigam was punched during an event in Mumbai, a case has been filed against Thackeray group MLA’s son

नवनियुक्त राज्यपाल रमेश बैस यांचा शनिवारी होणार शपथविधी : शुक्रवारी संध्याकाळी होणार मुंबईत दाखल

मिळालेल्या माहितीनुसार, आमदार प्रकाश फातर्पेकर यांनी आयोजित केलेल्या चेंबूर महोत्सवाच्या फिनालेदरम्यान सोनू निगम तेथे परफॉर्म करत होता. यावेळी आमदाराच्या मुलाने आधी सोनू निगम यांची मॅनेजर सायरासोबत गैरवर्तन केले आणि नंतर सोनू निगम स्टेजवरून खाली उतरत असताना त्याने आधी गायकाच्या अंगरक्षकाला आणि नंतर सोनूलाही धक्काबुक्की केली, असा आरोप आहे. मात्र, या हाणामारीत त्यांचे उस्तादाचा मुलगा रब्बानी खान स्टेजवरून खाली पडला. त्यामुळे तो जखमी झाला आहे. सोनूशी संपर्क साधण्याचा प्रयत्न करण्यात आला, मात्र तो स्वत: या घटनेमुळे शॉकमध्ये आहे, त्यामुळे त्याने अधिक बोलण्यास नकार दिला.

रात्री उशिरा सोनू निगम तक्रार देण्यासाठी चेंबूर पोलिस ठाण्यात पोहोचला. काही वेळाने आमदार प्रकाश फातर्पेकर यांनीही पोलीस ठाणे गाठले. सोनू निगमच्या तक्रारीच्या आधारे पोलिसांनी उद्धव ठाकरे गटाचे आमदार प्रकाश फातर्पेकर यांचा मुलगा स्वप्नील फातर्पेकर यांच्याविरोधात गुन्हा दाखल केला आहे.

या प्रकरणी चेंबूर पोलिसांनी भादंवि कलम ३४१, ३२३, ३३७ अन्वये गुन्हा दाखल करून पुढील तपास सुरू केला आहे.

ट्विटरवर व्हिडिओ व्हायरल

#Breaking

Singer Sonu Nigam who raised his voice about Azan Loudspeakers attacked by Janab Uddhav Thackeray MLA Prakash Phaterpekar and his goons in music event at Chembur. Sonu has been taken to the hospital nearby. pic.twitter.com/32eIPQtdyM

— Sameet Thakkar (Modi Ka Parivar) (@thakkar_sameet) February 20, 2023

सोनूसोबतच्या या भांडणाचा एक व्हिडिओ ट्विटरवर व्हायरल होत आहे. जिथे सोनू निगमवर पायऱ्या उतरत असताना राजकीय पक्षाशी संबंधित काही लोकांनी हल्ला केल्याचे सांगण्यात आले. अंगरक्षकांना वाचवताना सोनूलाही धक्काबुक्की झाली, त्याच्या टीमचे सदस्य जखमी झाले. यानंतर दोघांना जवळच्या रुग्णालयात नेण्यात आले.