एमपीएससी सदस्यांची रिक्त पदे भरण्यास जुलैअखेरचा मुहूर्त, नंतरच होऊ शकणार साडे पंधरा हजार पदांची भरती । MVA Govt MPSC members vacancies Will Be Filled by end of July, recruitment of fifteen and a half thousand posts soon in Maharashtra

एमपीएससी सदस्यांची रिक्त पदे भरण्यास जुलैअखेरचा मुहूर्त, नंतरच होऊ शकणार साडे पंधरा हजार पदांची भरती

MVA Govt MPSC members vacancies Will Be Filled by end of July, recruitment of fifteen and a half thousand posts soon in Maharashtra

MPSC members vacancies : सार्वजनिक आरोग्य विभाग, वैद्यकीय शिक्षण विभाग या विभागांना पदभरतीच्या निर्बंधामधून सूट देण्यात आली असून गट अ ते क पर्यंतची एकूण 15 हजार 511 पदे महाराष्ट्र लोकसेवा आयोगामार्फत भरण्याची कार्यवाही लवकरच सुरू करण्यात येणार असल्याची माहिती सामान्य प्रशासन विभागाचे राज्यमंत्री दत्तात्रय भरणे यांनी दिली. MVA Govt MPSC members vacancies Will Be Filled by end of July, recruitment of fifteen and a half thousand posts soon in Maharashtra

वृत्तसंस्था

मुंबई : सार्वजनिक आरोग्य विभाग, वैद्यकीय शिक्षण विभाग या विभागांना पदभरतीच्या निर्बंधामधून सूट देण्यात आली असून गट अ ते क पर्यंतची एकूण 15 हजार 511 पदे महाराष्ट्र लोकसेवा आयोगामार्फत भरण्याची कार्यवाही लवकरच सुरू करण्यात येणार असल्याची माहिती सामान्य प्रशासन विभागाचे राज्यमंत्री दत्तात्रय भरणे यांनी दिली.

15 हजार 511 पदांची भरती प्रक्रिया

भरणे म्हणाले की, ‘एमपीएससी’मार्फत घेण्यात येणाऱ्या परीक्षा आणि रिक्‍त पदांच्या भरतीच्या अनुषंगाने उपमुख्यमंत्री अजित पवार यांच्या अध्यक्षतेखाली बैठक झाली. या बैठकीत काही महत्त्वाचे निर्णय घेण्यात आले आहेत. सार्वजनिक आरोग्य विभाग, वैद्यकीय शिक्षण विभाग इत्यादी विभागांना पदभरतीच्या निर्बंधामधून सूट देण्यात आली आहे. तसेच गट अ ची 4 हजार 417 पदे, गट ब ची 8 हजार 31 पदे आणि गट क ची 3 हजार 63 पदे अशी एकूण 15 हजार 511 पदे भरण्यास अर्थ विभागाने सन 2018 पासून मान्यता दिलेली आहे. त्या अनुषंगाने या पदांचे आरक्षण तपासून पदभरती गतीने राबवण्याच्या दृष्टीने कार्यवाही सुरू आहे.

सार्वजनिक आरोग्य, वैद्यकीय शिक्षण आदी विभागांना पदभरतीच्या निर्बंधामधून सूट देण्यात आली आहे. गट 'अ' ते गट 'क' पर्यंतची एकूण १५ हजार ५११ पदे महाराष्ट्र लोकसेवा आयोगामार्फत भरण्याची कार्यवाही लवकरच सुरू करण्यात येणार आहे- सामान्य प्रशासन राज्यमंत्री @bharanemamaNCP यांची माहिती pic.twitter.com/PaajLGU03p

— MAHARASHTRA DGIPR (@MahaDGIPR) July 14, 2021

एमपीएससी सदस्यांच्या रिक्त पदांसाठी जुलैअखेरपर्यंत कार्यवाही

उमेदवारांच्या मुलाखतीच्या टप्प्यावर प्रलंबित असलेली भरती प्रक्रिया पार पाडण्याच्या दृष्टीने एमपीएससी सदस्यांची 4 रिक्त पदे भरणे गरजेचे आहे. सदस्यांची ही पदे भरण्यासाठी जुलै अखेरपर्यंत सर्व प्रक्रिया पार पाडण्याबाबतही बैठकीत निर्देश देण्यात आले आहेत. याशिवाय केरळ लोकसेवा आयोगाच्या धर्तीवर महाराष्ट्र लोकसेवा आयोगाच्या सदस्य संख्येत वाढ करण्याच्या अनुषंगानेही या बैठकीत चर्चा करण्यात आली. जेणेकरुन भविष्यातील मुलाखती गतीने पार पाडता येतील.

यूपीएससीच्या धर्तीवर एमपीएससीही जाहीर करणार वेळापत्रक

केंद्रीय लोकसेवा आयोगाकडून (यूपीएससी) दरवर्षी पुढील संपूर्ण वर्षाचे परीक्षांचे वेळापत्रक जाहीर केले जाते. त्याच धर्तीवर एमपीएससीच्या परीक्षांचेही वेळापत्रक जाहीर करण्याबाबतचे निर्देशही देण्यात आले आहेत, अशी माहितीदेखील राज्यमंत्री भरणे यांनी यावेळी दिली.

MVA Govt MPSC members vacancies Will Be Filled by end of July, recruitment of fifteen and a half thousand posts soon in Maharashtra

महत्त्वाच्या बातम्या