निकषांचा विचार न करता कोकणातील पूरग्रस्तांना तातडीची सर्व मदत द्या; देवेंद्र फडणवीस यांची मागणी Give all immediate help to the flood victims in Konkan without considering the criteria

निकषांचा विचार न करता कोकणातील पूरग्रस्तांना तातडीची सर्व मदत द्या; देवेंद्र फडणवीस यांची मागणी

प्रतिनिधी

रत्नागिरी : चिपळूणमध्ये सुद्धा पुराने प्रचंड मोठे नुकसान झाले आहे. बाजारपेठेतील स्थिती तर भयावह आहे. काहीच शिल्लक राहिलेले नाही. या सर्वांना तातडीने मदत देण्याची गरज आहे. राज्य सरकारने त्यांना तातडीने मदत द्यायला हवी. या नागरिकांची कागदपत्रे सुद्धा पाण्यात वाहून गेली आहेत. त्यामुळे कागदपत्र नाहीत, हे गृहित धरून ही मदत करावी लागेल, असे प्रतिपादन माजी मुख्यमंत्री देवेंद्र फडणवीस यांनी केले आहे. Give all immediate help to the flood victims in Konkan without considering the criteria

कोल्हापूर-सांगलीच्या पुराच्या वेळी थेट रोखीने मदत आपण दिली होती. नवीन घरे बांधून होत नाहीत, तोवर भाडे सुद्धा दिले होते. तशीच मदत व्हावी, असे ते म्हणाले.

आम्हाला सोडून जाऊ नका; मदत केल्याशिवाय जाऊ नका महिलेने फोडला मुख्यमंत्र्यांसमोरच टाहो

फडणवीस म्हणाले, की तातडीच्या मदतीत निकषांचा विचार करायचा नसतो. निकषांनुसार भरीव मदत पुढच्या काळात होत राहील. अंगावर घालायला कपडे सुद्धा नागरिकांकडे नाहीत. सारेच वाहून गेले आहे. तीन ठिकाणी कम्युनिटी किचन भाजपाच्या वतीने सुरू करण्यात आले आहेत.

वर्षभरात कोकणात ज्या घटना घडल्या आहेत, त्या पाहता थोडा वेगळा विचार येणार्‍या काळात करावा लागेल. आपत्ती व्यवस्थापनाच्या दृष्टीने नव्या व्यवस्था उभ्या कराव्या लागतील आणि यादृष्टीने ‘रोडमॅप’ तयार करण्याची नितांत गरज आहे.

अलमट्टीचा विसर्ग सुरू होतो, तेव्हा कर्नाटकात पूर येतो. त्यामुळे तेथे पूरस्थिती निर्माण होण्यापूर्वीच अतिरिक्त विसर्ग केला तर बरे होईल, अशी विनंती आम्ही मुख्यमंत्र्यांना केली आहे. थोडे धाडस करावे लागेल!