एकनाथजी आपले अभिनंदन, पण बेसावध राहू नका! राज ठाकरेंनी दिल्या शुभेच्छा

By, Pravin Pawar - July 1, 2022 11:30:35

0

प्रतिनिधी

मुंबई : एकनाथ शिंदे यांनी महाराष्ट्राचे नवे मुख्यमंत्री म्हणून तर, देवेंद्र फडणवीस यांनी उपमुख्यमंत्री पदाची शपथ घेतली आहे. त्यानंतर राज ठाकरे यांनी ट्वीट करत शिंदे यांचे अभिनंदन केले आहे. मात्र, अभिनंदन करताना राज ठाकरे यांनी एकनाथ शिंदे यांना एक मोलाचा सल्ला दिला आहे.Congratulations Eknathji, but don’t stay unconscious Best wishes from Raj Thackeray

राज ठाकरे यांनी शिंदेचं अभिनंदन करताना ट्वीटमध्ये म्हटले आहे की, श्री. एकनाथ शिंदेजी, आपण महाराष्ट्राचे मुख्यमंत्री झालात. आपले अभिनंदन. खरंच मनापासून आनंद झाला. नशिबाने आपल्याला मुख्यमंत्रिपदाची संधी मिळाली आहे. आता ती स्वकर्तृत्वाने सिद्ध कराल ही आशा. आपण तरी बेसावध राहू नका. सावधपणे पावले टाका. पुन्हा एकदा आपले अभिनंदन! असे म्हटले आहे.

शिवसेनेत फूट : नारायण राणेंचे कन्फर्म ट्विट; शाब्बास एकनाथजी योग्य वेळी योग्य निर्णय!!

उद्धव यांच्या राजीनाम्यानंतरही केले होते ट्वीट…

एखादा माणूस ज्या दिवशी आपल्या नशिबालाच स्व:चे कर्तृत्व समजू लागतो. त्या दिवसापासूनच त्याचा ऱ्हासाकडे प्रवास सुरू होतो, असे म्हणत मनसे प्रमुख राज ठाकरे यांनी ट्विटरवर शिवसेनाप्रमुख उद्धव ठाकरेंवर निशाणा साधला होता. एकनाथ शिंदे यांच्या बंडामुळे महाविकास आघाडी सरकार कोसळल्याने शिवसेना प्रमुख उद्धव ठाकरे यांनी मुख्यमंत्रिपदाचा राजीनामा दिला.

भोंगे वादाप्रकरणी मनसे सैनिकांची ठिकठिकाणी धरपकड करण्यात आली होती. तब्बल 28 हजार महाराष्ट्र सैनिकांना पोलिसांनी प्रतिबंधात्मक नोटिसा बजावल्या, हजारोंना तडीपार केले आणि अनेकांना तुरुंगात डांबले. तेव्हा राज ठाकरे यांनी उद्धव ठाकरे यांच्यावर टीका केली होती. महाराष्ट्र राज्य सरकार बेभान होऊन अंगात आल्यासारखं वागत आहे. सहनशीलतेचा अंत पाहू नका, सत्तेचा ताम्रपट घेऊन कुणी येत नाही, उद्धवजी तुम्हीही नाही!, असा इशारा मनसे अध्यक्ष राज ठाकरे यांनी मुख्यमंत्र्यांना दिला होता.