BJP Leader ChandraShekhar Bawankule : भाजपचे प्रदेश सरचिटणीस व माजी ऊर्जा मंत्री चंद्रशेखर बावनकुळे हे दोन दिवसांच्या अमरावती जिल्ह्याच्या दौऱ्यावर आले होते. आज त्यांनी पत्रकार परिषदेत महाविकास आघाडी सरकारवर टीकेची तोफ डागली. डिसेंबरपूर्वी महाविकास आघाडी सरकारने ओबीसी आरक्षणाचा मुद्दा निकाली लावला नाही, तर महाविकास आघाडीच्या मंत्र्यांना गावागावांत फिरू देणार नाही, असा इशारा चंद्रशेखर बावनकुळे यांनी अमरावतीमध्ये दिला. BJP Leader ChandraShekhar Bawankule Criticizes Shiv Sena In Amrawati District
विशेष प्रतिनिधी
अमरावती : भाजपचे प्रदेश सरचिटणीस व माजी ऊर्जा मंत्री चंद्रशेखर बावनकुळे हे दोन दिवसांच्या अमरावती जिल्ह्याच्या दौऱ्यावर आले होते. आज त्यांनी पत्रकार परिषदेत महाविकास आघाडी सरकारवर टीकेची तोफ डागली. डिसेंबरपूर्वी महाविकास आघाडी सरकारने ओबीसी आरक्षणाचा मुद्दा निकाली लावला नाही, तर महाविकास आघाडीच्या मंत्र्यांना गावागावांत फिरू देणार नाही, असा इशारा चंद्रशेखर बावनकुळे यांनी अमरावतीमध्ये दिला.
नारायण राणे यांच्या वक्तव्यावरून महाराष्ट्रात चांगलाच राडा झाला. जिल्ह्यातील भाजपच्या कार्यालयावर शिवसैनिकांनी हल्ला केला व जाळण्याचा प्रयत्न केला. यापुढे अशी गंभीर घटना घडल्यास भाजप मागेपुढे पाहणार नसून ईट का जवाब पत्थर से देंगे, असा इशाराही यावेळी चंद्रशेखर बावनकुळे यांनी दिला.
या महाविकास आघाडी सरकारच्या काळात काँग्रेस प्रदेशाध्यक्ष नाना पटोले यांच्या जिल्ह्यात एक हजार कोटींचा धान खरेदी घोटाळा अधिकाऱ्यासमक्ष झाला आहे. या घोटाळ्याची सीबीआयकडे तक्रार केली, अशी माहितीसुद्धा चंद्रशेखर बावनकुळे यांनी दिली असून तातडीने या भ्रष्टाचाराची चौकशी करण्याची मागणी त्यांनी यांनी केली आहे.
बावनकुळे म्हणाले की, ज्या मुख्यमंत्र्याला देशाचा अमृत महोत्सव माहिती नाही, मग महाराष्ट्रातील बारा कोटी जनतेच्या हिताचे रक्षण, युवकांच्या भावना, देशाच्या भावना त्यांनी तोडल्या आहे. त्यामुळे मुख्यमंत्र्यांच्या वर्षा निवासस्थानावर जेवढी जागा आहे त्या जागेवर मावतील तेवढे पत्र संपूर्ण महाराष्ट्रातून भाजप युवा मोर्चाच्या वतीने मुख्यमंत्र्यांना पाठवणार असल्याचं माजी मंत्री चंद्रशेखर बावनकुळे यांनी अमरावती येथे सांगितलं. याची सुरुवातदेखील अमरावती येथील राजापेठच्या पोस्ट बॉक्समध्ये पत्र टाकून करण्यात आली.
BJP Leader ChandraShekhar Bawankule Criticizes Shiv Sena In Amrawati District
महत्त्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more