‘सामना’चे नाव बदलून ‘ पाकिस्ताननामा’ किंवा ‘बाबरनामा’ करा, भाजप नेते आशिष शेलार यांची संजय राऊतांवर टीका

BJP Ashish Shelar Criticizes Shivsena MP Sanjay Raut says change name of Saamana To Pakistannama or Babarnama

Ashish Shelar Criticizes Shivsena MP Sanjay Raut : भाजप आमदार आशिष शेलार यांनी शिवसेनेचे मुखपत्र ‘सामना’चे नाव ‘पाकिस्ताननामा’ किंवा ‘बाबरनामा’ असे ठेवण्याचा खोचक सल्ला दिला आहे. शिवसेना खासदार संजय राऊत यांनी ‘रोखठोक’ या सदरात प्रकाशित केलेल्या लेखावर आक्षेप घेताना त्यांनी हे वक्तव्य केले. संजय राऊत यांनी आपल्या लेखात पंतप्रधान नरेंद्र मोदींनी 14 ऑगस्टला भारताची फाळणी लक्षात ठेवण्याच्या केलेल्या आवाहनावर भाष्य केले आहे. पंतप्रधानांनी देशवासीयांना म्हटले होते की, भारताची फाळणी विसरू नका. त्यांनी 14 ऑगस्टला फाळणीचा विभाजन विभीषिका दिन पाळण्याचे आवाहन केले. म्हणजेच स्वातंत्र्याचा उत्सव 15 ऑगस्ट रोजी साजरा केला जावा आणि त्याआधी एक दिवस फाळणीच्या वेदना लक्षात ठेवाव्यात. BJP Ashish Shelar Criticizes Shivsena MP Sanjay Raut says change name of Saamana To Pakistannama or Babarnama


विशेष प्रतिनिधी

मुंबई : भाजप आमदार आशिष शेलार यांनी शिवसेनेचे मुखपत्र ‘सामना’चे नाव ‘पाकिस्ताननामा’ किंवा ‘बाबरनामा’ असे ठेवण्याचा खोचक सल्ला दिला आहे. शिवसेना खासदार संजय राऊत यांनी ‘रोखठोक’ या सदरात प्रकाशित केलेल्या लेखावर आक्षेप घेताना त्यांनी हे वक्तव्य केले. संजय राऊत यांनी आपल्या लेखात पंतप्रधान नरेंद्र मोदींनी 14 ऑगस्टला भारताची फाळणी लक्षात ठेवण्याच्या केलेल्या आवाहनावर भाष्य केले आहे. पंतप्रधानांनी देशवासीयांना म्हटले होते की, भारताची फाळणी विसरू नका. त्यांनी 14 ऑगस्टला फाळणीचा विभाजन विभीषिका दिन पाळण्याचे आवाहन केले. म्हणजेच स्वातंत्र्याचा उत्सव 15 ऑगस्ट रोजी साजरा केला जावा आणि त्याआधी एक दिवस फाळणीच्या वेदना लक्षात ठेवाव्यात.

यावर टिप्पणी करताना संजय राऊत यांनी लिहिले की, नथुराम गोडसेने नि:शस्त्र महात्मा गांधींना दोष दिला आणि पाकिस्तानच्या निर्मितीसाठी त्यांच्यावर गोळ्या झाडल्या. त्याऐवजी, जर त्याने बॅरिस्टर मोहम्मद अली जिना यांच्यावर गोळ्या झाडल्या असत्या, तर देशाचे विभाजन झाले नसते आणि आज फाळणीला शोकांतिका म्हणून लक्षात ठेवण्याची गरज भासली नसती. संजय राऊत यांच्या या प्रश्नाचे उत्तर आशिष शेलार यांनी दिले आहे.

आशिष शेलार यांची संजय राऊतांवर टीका

आशिष शेलार यांनी म्हटले आहे की, काँग्रेसने इतिहास चुकीच्या पद्धतीने मांडण्यासाठी केलेल्या प्रयत्नांना संजय राऊत प्रोत्साहन देत आहेत. म्हणजेच राऊत हे इतिहास बदलून लिहिण्याच्या काँग्रेसच्या प्रयत्नांना पाठिंबा देत आहेत. देशाची फाळणी जिनांमुळे झाली, यावर दुमत असण्याचे कारण नाही. गांधीजींवर गोळीबार, हल्ला याला पाठिंबा देण्याचा प्रश्नच उद्भवत नाही. संजय राऊत विरोधाभासी गोष्टी लिहून गोंधळ निर्माण करत आहेत.

संजय राऊत यांनी त्यांच्या लेखात लिहिले की, “काही लोक अजूनही गांधींची हत्या करणाऱ्या पंडित गोडसेच्या मूर्तीची पूजा करतात. ते त्याच्या फाशीचा दिवस साजरा करतात. गोडसे यांना श्रद्धांजली म्हणून ते पुन्हा एकदा गांधींच्या पुतळ्यावर गोळीबार करून गांधीहत्येचा उत्सव साजरा करतात. मूठभर लोक ज्यांनी असे म्हटले आणि लिहिले की, कोणतेही विभाजन होऊ नये ते त्यावेळीही असे वागत होते आणि जगत होते. जर त्या वेळी एखाद्या फाळणीविरोधी गोडसेने पाकिस्तानचा आग्रह धरणाऱ्या जिनांवर गोळ्या झाडल्या असत्या, तर 75 वर्षांनंतर, फाळणीला एक शोकांतिका म्हणून लक्षात ठेवण्याची वेळ आली नसती. गोडसेने नि:शस्त्र गांधींना मारले. कारण त्याच्या मते फाळणीसाठी ते एकमेव दोषी होते. मग जिना कोण होते?”

शेलार म्हणाले, ‘सामना’चे नाव ‘पाकिस्ताननामा’ ठेवा

शेलार म्हणाले की, जेव्हा पंतप्रधान नरेंद्र मोदींनी म्हटले की 14 ऑगस्टला फाळणीची शोकांतिका म्हणून लक्षात ठेवले पाहिजे, विसरले जाऊ नये, तेव्हा यामुळे पाकिस्तानचे पोट दुखले. पाकिस्तानच्या पोटात ज्यामुळे वेदना होत आहेत, तेच शिवसेनेचे मुखपत्र ‘सामना’मधील संजय राऊत यांच्या लेखात उतरले आहे. त्यामुळे सामनाचे नाव आता बदलले पाहिजे आणि त्याचे नाव ‘पाकिस्ताननामा’ किंवा ‘बाबरनामा’ केले पाहिजे.

BJP Ashish Shelar Criticizes Shivsena MP Sanjay Raut says change name of Saamana To Pakistannama or Babarnama

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    दगडी चाल फेम अभिनेत्री पूजा सावंत ने गुपचूप उरकला साखरपुडा. श्रीमंत दगडूशेठ गणपती 2023 ब्रिटनचे पंतप्रधान ऋषी सुनक पत्नी अक्षता मूर्तीसह अक्षरधाम मंदिरात