अधीश बंगल्यातील अनधिकृत बांधकाम स्वत:हून पाडा; सुप्रीम कोर्टाचे नारायण राणेंना आदेश

By, Pravin Pawar - September 26, 2022 03:30:32

0

वृत्तसंस्था

नवी दिल्ली : केंद्रीय मंत्री नारायण राणे यांना सुप्रीम कोर्टाने दणका दिला आहे. मुंबईतील अधीश बंगल्यामधील अनधिकृत बांधकामावरील कारवाईचे मुंबई हायकोर्टाचे आदेश सुप्रीम कोर्टाने कायम ठेवले आहेत. हायकोर्टाने दिलेल्या आदेशांविरोधात नारायण राणे यांनी सुप्रीम कोर्टात धाव घेतली होती. मात्र, नारायण राणे यांनी स्वत:हून अनधिकृत बांधकाम पाडावे; अन्यथा मुंबई महापालिका कारवाई करेल, असे सुप्रीम कोर्टाने म्हटले आहे. Demolish the unauthorized construction in Adhish Bungalow by yourself

काही दिवसांपूर्वी मुंबई हायकोर्टाने राणे यांच्या जुहू येथील अधीश बंगल्यातील अनधिकृत बांधकाम तोडण्याचे आदेश दिले होते. सीआरझेड कायदा आणि एफएसआयचे उल्लंघन केल्याचे आढळले आहे. दोन आठवड्यात कारवाई करुन अहवाल सादर करण्याचे निर्देश हायकोर्टाने मुंबई महापालिकेने दिले होते.

Narayan Rane : ठाकरे – पवार सरकारची मुंबई हायकोर्टात माघार; पण सिंधुदुर्ग दौर्‍यात आदित्य ठाकरेंच्या राणेंवर तोंडी तोफा!!

या आदेशाविरोधात नारायण राणे यांनी सुप्रीम कोर्टात धाव घेतली होती. परंतु सुप्रीम कोर्टाने मुंबई हायकोर्टाच्या आदेश कायम ठेवल्याने नारायण राणे यांना स्वतःहून बंगल्यातले बेकायदा बांधकाम पाडावे लागणार आहे.