ईडीच्या चौकशीत सचिन वाजेंचा खुलासा, 'अनिल देशमुखांनी परत सेवेत घेण्यासाठी २ कोटींची मागणी केली, वसुली करून त्यांना दिले ४ कोटी ७० लाख'|Sachin Vaje revelation in ED inquiry, Anil Deshmukh demanded Rs 2 crore for his return to service, recovered and paid Rs 4 crore 70 lakhs to Deshmukh

ईडीच्या चौकशीत सचिन वाजेंचा खुलासा, ‘अनिल देशमुखांनी परत सेवेत घेण्यासाठी २ कोटींची मागणी केली, वसुली करून त्यांना दिले ४ कोटी ७० लाख’

प्रसिद्ध उद्योगपती मुकेश अंबानी यांच्या घराबाहेर ठेवण्यात आलेल्या कारचा मालक मनसुख हिरेन यांच्या हत्येप्रकरणी मुख्य आरोपी आणि बडतर्फ पोलीस अधिकारी सचिन वाजे याने अंमलबजावणी संचालनालयासमोर (ईडी) चौकशीत मोठा खुलासा केला आहे. माजी गृहमंत्री अनिल देशमुख यांनी वाजेंना निलंबन मागे घेऊन पुन्हा सेवेत घेण्यासाठी 2 कोटी रुपयांची मागणी केल्याचे वाजे यांनी म्हटले आहे. सचिन वाजे यांनी ईडीच्या चौकशीत सांगितले की, आपण दोन कोटी देण्यास असमर्थता व्यक्त केली होती.Sachin Vaje revelation in ED inquiry, Anil Deshmukh demanded Rs 2 crore for his return to service, recovered and paid Rs 4 crore 70 lakhs to Deshmukh

वृत्तसंस्था

मुंबई : प्रसिद्ध उद्योगपती मुकेश अंबानी यांच्या घराबाहेर ठेवण्यात आलेल्या कारचा मालक मनसुख हिरेन यांच्या हत्येप्रकरणी मुख्य आरोपी आणि बडतर्फ पोलीस अधिकारी सचिन वाजे याने अंमलबजावणी संचालनालयासमोर (ईडी) चौकशीत मोठा खुलासा केला आहे. माजी गृहमंत्री अनिल देशमुख यांनी वाजेंना निलंबन मागे घेऊन पुन्हा सेवेत घेण्यासाठी 2 कोटी रुपयांची मागणी केल्याचे वाजे यांनी म्हटले आहे.

सचिन वाजे यांनी ईडीच्या चौकशीत सांगितले की, आपण दोन कोटी देण्यास असमर्थता व्यक्त केली होती. यानंतरही देशमुख यांनी निलंबन रद्द करण्यासाठी अर्ज मागितला. शरद पवारांसह काही लोक नाराज असल्याचे देशमुख यांनी म्हटले होते. त्यांचे मन वळवण्याचा प्रयत्न करू, असेही ते म्हणाले होते.

ईडीला दिलेला जबाब मागे घेण्यासाठी सचिन वाझेवर अनिल देशमुखांचा दबाव; परमवीर सिंगांचा आरोप

यानंतर मुंबईचे तत्कालीन पोलीस आयुक्त परमबीर सिंग यांना सचिन वाजे यांचे निलंबन मागे घेण्याचे आदेश देण्यात आले होते. सचिन वाजे यांची मुंबईच्या सीआययू विभागात नियुक्ती झाली होती. मग त्यांना मोठमोठ्या केसेस देण्यात आल्या. परमबीर सिंग यांनीही बुधवारी ईडीसमोर हीच कबुली दिली आहे.

‘अनिल देशमुख यांना 4 कोटी 70 लाख मिळाले’

यासोबतच सचिन वाजे याने मुंबईतील बार आणि रेस्टॉरंटमधून 100 कोटींची वसुली करण्याच्या कामात अनिल देशमुख गुंतल्याची कबुलीही ईडीसमोर दिली आहे. यातून 4 कोटी 70 लाख रुपये अनिल देशमुख यांना दिल्याचे वाजे यांनी सांगितले. सचिन वाजे यांनी हे पैसे डिसेंबर 2020 ते फेब्रुवारी 2021 दरम्यान त्यांचे पीए कुंदन शिंदे यांच्यामार्फत देशमुख यांना हस्तांतरित केल्याचे सांगितले. सचिन वाजेंकडून 2 कोटींची मागणी आणि 100 कोटींची वसुली हे दोन आरोप ईडीसमोर वाजेंनी मान्य केल्याने अनिल देशमुख यांच्या अडचणीत वाढ झाली आहे.

याशिवाय काही दिवसांपूर्वी ईडीच्या चौकशीत राज्याचे तत्कालीन मुख्य सचिव सीताराम कुंटे यांनीही अनिल देशमुख यांना पोलीस अधिकाऱ्यांच्या बदल्या आणि नियुक्तीसाठी अनधिकृत याद्या दिल्याचा आरोप केला होता. ही यादी ते त्यांचे पीएस संजीव पालांडे यांना पाठवत असत. सीताराम कुंटे म्हणाले की, अनिल देशमुख त्यावेळी गृहमंत्री होते. या अर्थाने ते पद आणि उंचीने वरिष्ठ होते. म्हणूनच ते देशमुखांचे म्हणणे मान्य करायचे.