महाराष्ट्र बंद : ठाण्यात रिक्षाचालकांना मारहाण, बेस्ट बसेसची तोडफोड, मुंबई-सोलापूरमध्ये टायर जाळले… कुठे-कुठे लागलं गालबोट?

By, shreekant patil - October 11, 2021 06:48:00

0

Maharashtra Bandh turns violent in Some Places in State Read in Details

Maharashtra Bandh : लखीमपूर खेरी हिंसाचाराच्या निषेधार्थ राज्यातील सत्ताधारी महाविकास आघाडीने आज (11 ऑक्टोबर, सोमवार) महाराष्ट्र बंदची हाक दिली. बंद यशस्वी करण्यासाठी काँग्रेस, राष्ट्रवादी आणि शिवसेनेचे नेते आणि कार्यकर्ते रस्त्यावर उतरले. तथापि, बंदला राज्यात ठिकठिकाणी गालबोट लागल्याची माहिती विविध माध्यमांनी प्रकाशित केली आहे. Maharashtra Bandh turns violent in Some Places in State Read in Details

प्रतिनिधी

मुंबई : लखीमपूर खेरी हिंसाचाराच्या निषेधार्थ राज्यातील सत्ताधारी महाविकास आघाडीने आज (11 ऑक्टोबर, सोमवार) महाराष्ट्र बंदची हाक दिली. बंद यशस्वी करण्यासाठी काँग्रेस, राष्ट्रवादी आणि शिवसेनेचे नेते आणि कार्यकर्ते रस्त्यावर उतरले. तथापि, बंदला राज्यात ठिकठिकाणी गालबोट लागल्याची माहिती विविध माध्यमांनी प्रकाशित केली आहे.

ठाण्यात रिक्षाचालकांना मारहाण

मुंबईला लागून असलेल्या ठाण्यात एका रिक्षाचालकाला मारहाण केल्याचा व्हिडिओ समोर आला आहे. याबाबतचे वृत्त ‘साम’ वृत्तवाहिनीने प्रकाशित केले आहे. ठाण्याच्या उपमहापौर पल्लवी कदम यांचे पती पवन कदम हे रिक्षाचालकांना मारहाण होत असताना तेथे उपस्थित असल्याची माहिती समोर आली आहे. महाराष्ट्र बंदच्या आवाहनाकडे दुर्लक्ष करून पोटापाण्यासाठी त्याने रिक्षा चालवला हाच या रिक्षाचालकाचा गुन्हा होता. यानंतर कायदा हातात घेणाऱ्यांविरुद्ध कठोर कारवाईची मागणी आता होत आहे.

बेस्ट बसेसची तोडफोड

आज सकाळी बेस्टच्या अनेक बसेची तोडफोड करण्यात आली. यानंतर बेस्ट बसच्या चालकांकडून सुरक्षेची मागणी करण्यात आली. आणि थोड्या वेळाने बेस्टच्या बस डेपोत गेल्या. या घटनेवर भाजपकडून टीका करण्यात आली आहे. हे पूर्वनियोजित असल्याचे म्हटले आहे. बंद यशस्वी दाखवता यावा म्हणून बस थांबवण्याचे निमित्त सापडल्याचे मत भाजपकडून व्यक्त करण्यात आले आहे. विरोधी पक्षनेते देवेंद्र फडणवीस म्हणाले की, बंद शांततेत होईल असे सांगण्यात आले होते, पण महाविकास आघाडीचे ढोंग समोर आले आहे. राज्य सरकारच्या यंत्रसामग्रीचा वापर करून लाठ्यांच्या आधारे ते बंद केला जात आहे, अशी टीकाही त्यांनी केली

लोकलमध्ये काय अवस्था?

दरम्यान, मुंबई लोकल ट्रेन सुरू झाली आहे. परंतु ट्रेनमध्ये प्रवास करण्यासाठी संपूर्ण लसीकरण आवश्यक आहे. अशा स्थितीत सामान्य जनता ट्रेन आणि बस दोन्हीमध्ये प्रवास करण्यापासून वंचित राहिली आहे. यानंतर, ऑटो रिक्षा आणि टॅक्सीचे माध्यम सार्वजनिक वाहतुकीसाठी उरले होते. पण तेही बळजबरी बंद केल्याने सामान्यांना खूप अडचणींना सामोरे जावे लागत आहे. मुंबईत विद्यार्थ्यांना महाविद्यालयात प्रवेश प्रक्रिया पूर्ण करायची होती. परंतु वांद्रे ते भायखळ्यापर्यंत वाहतुकीचे कोणतेही साधन उपलब्ध नसल्यामुळे अनेक विद्यार्थी महाविद्यालयात पोहोचू शकले नाहीत.

टायर जाळण्यात आले, रस्त्यावर उभे राहून वाहतूक रोखण्यात आली

‘टीव्ही 9’ ने दिलेल्या वृत्तानुसार, मुंबईतील विक्रोळीजवळील पूर्व द्रुतगती मार्गावर शिवसैनिकांनी टायर जाळले, तर सोलापुरातही तरुण सैनिकांनी टायर जाळल्याच्या घटना घडल्या आहेत. कोल्हापुरातही शिवसैनिकांनी जबरदस्तीने महामार्गावरील वाहतुकीवर परिणाम केल्याचे बोलले जात आहे. लोकांना प्रवासापासून रोखण्यात आले. चंद्रपुरातही महाविकास आघाडीचे कार्यकर्ते दुकाने बंद करण्यासाठी आक्रमक झाले. यावेळी पोलिसांनी हस्तक्षेप करून दुकानदाराला मारहाण होण्यापासून वाचवले.

Maharashtra Bandh turns violent in Some Places in State Read in Details

महत्त्वाच्या बातम्या