सरकारने दगाफटका केला, तर निवडणुकीत नाव घेऊन पाडू, जरांगे पाटलांचा इशारा


विशेष प्रतिनिधी

नांदेड : सरकारने मराठ्यांशी दगा फटका करू नये. अन्यथा मी‎ आता यापुढे नाव घेऊन कोणाला पाडायचे ते सांगेन.‎ निवडून आलेल्या नेत्यांनीही मस्तीत येऊ नये,‎ सभागृहात समाजाची बाजू मांडावी. आता सरकारने‎ आरक्षण दिले नाही तर मुंबईला आलो तर माघारी‎ परतणार नाही, असा इशारा जरांगे पाटील यावेळी ‎दिला.‎If the government makes a big fuss, we will fight by name in the election, Jarange Patal warns



नांदेड येथे शांतता रॅलीनंतर ते छत्रपती शिवाजी ‎महाराज यांच्या पुतळ्याजवळ मराठा समाजबांधवांशी ‎संवाद साधताना बोलत होते. यावेळी ते पुढे बोलताना ‎म्हणाले की, काही जण बोगस आरक्षण खाऊन‎ आमच्या नोंदी सरकारी दरबारी सापडूनही आम्हाला‎ विरोध करत आहेत. आम्ही आमच्या हक्कासाठी‎ लढत असताना आम्ही जातीयवादी कसे? तुमचे‎ एखाद-दोन ओबीसी नेते पाडले तर तुम्हाला वेदना होत‎ आहेत. गेल्या अनेक वर्षांपासून कोट्यवधी‎ मराठ्यांच्या वेदना कोण समजून घेणार, असा सवाल‎ त्यांनी उपस्थित केला. सरकारने आणि विरोधकांनी‎ मला उघडे पाडण्याचा प्रयत्न केला. पण मराठा‎ समाजाने मला उघडे पडू दिल नाही. मी तुमच्या‎ ताकदीचा गैरफायदा घेतला नाही. मी इमानदारीने‎ समाजाच्या खांद्यावर अखेरचा श्वास घेईन पण‎ गद्दारीचा शिक्का घेऊन मरणार नाही. लाख मेले तर‎ चालतील, पण लाखांचा पोशिंदा जगला पाहिजे अशी‎ म्हण आहे. पण माझ्या बाबतीत ही म्हण मी बदलली‎ आहे. एक मेला तरी चालेल पण कोटी जगले‎ पाहिजेत, असे ते म्हणाले.‎

बाहेर गावातून आलेल्या मराठा‎ बांधवांसाठी ठिकठिकाणी जेवण,‎ अल्पोपाहार व पाणी बाटल्यांच्या‎ वाटपाचे नियोजन करण्यात आले‎ होते. मुस्लिम बांधवांनीही‎ अल्पोपाहार व पाण्याची व्यवस्था‎ केली होती. दलित व मुस्लिम‎ बांधवाकडून यावेळी रॅलीचे स्वागत‎ करण्यात आले. अर्धापूर‎ तालुक्यातील ५० गावातून ५० हजार‎ भाकरी घरोघरी तयार करुन रॅलीत‎ आणल्या होत्या. भाकरीसोबत‎ ठेचा, भाजी वाटण्यात आली.‎

एक मराठा लाख मराठा अशी घोषणाबाजी करत, जेसीबींनी भले‎मोठे हार व फुलांची उधळण करत नांदेडमध्ये मनोज जरांगे पाटील यांचे‎ जंगी स्वागत करण्यात आले. राज कॉर्नर ते छत्रपती शिवाजी महाराजांच्या‎ पुतळ्यापर्यंत रॅली काढण्यात आली. त्यानंतर जरांगे यांनी संवाद साधला.‎

छगन भुजबळ यांना पुढे करून ‎देवेंद्र फडणवीस राजकारण करत‎ आहेत. मोजक्या ओबीसी नेत्यांना‎ हाताशी धरून तुमचा अख्खा‎ महाराष्ट्र हातून जात आहे. हे‎ फडणवीस यांनी समजून घ्यावे. ‎मराठा आरक्षणाच्या बाबतीत जरा‎ चंद्रकांत पाटील यांना अधिसूचना‎ वाचायला सांगा, असे म्हणत‎ फडणवीस व मंत्री छगन भुजबळ‎ यांच्यावर जरांगे यांनी टीका केली.‎

If the government makes a big fuss, we will fight by name in the election, Jarange Patal warns

महत्वाच्या बातम्या

Array

LEAVE A COMMENT

To be published, comments must be reviewed by the administrator.*



    दगडी चाल फेम अभिनेत्री पूजा सावंत ने गुपचूप उरकला साखरपुडा. श्रीमंत दगडूशेठ गणपती 2023 ब्रिटनचे पंतप्रधान ऋषी सुनक पत्नी अक्षता मूर्तीसह अक्षरधाम मंदिरात