विशेष प्रतिनिधी
जळगाव : Khadse जळगाव जिल्ह्याच्या राजकारणात सध्या माजी मंत्री एकनाथ खडसे आणि विद्यमान मंत्री गिरीश महाजन यांच्यातील वाद चांगलाच पेटला आहे. आरोप-प्रत्यारोपांच्या या मालिकेत आता खडसेंनी महाजनांना तीन मोठी आव्हानं दिली आहेत.Khadse
खडसेंची महाजनांना ३ आव्हानं :
स्वतःच्या प्रॉपर्टीची चौकशी:
खडसेंनी मागणी केली आहे की, गिरीश महाजनांनी त्यांच्या मालमत्तेची चौकशी करावी.
मुलाच्या मृत्यूची CID चौकशी:
खडसेंनी त्यांच्या मुलाच्या मृत्यूची सीआयडी (CID) चौकशी करण्याची मागणी केली आहे.
प्रफुल्ल लोढाची नार्को टेस्ट:
प्रफुल्ल लोढाने महाजनांवर केलेल्या आरोपांच्या पार्श्वभूमीवर त्याची नार्को टेस्ट करण्याची मागणीही खडसेंनी केली आहे.
खडसेंनी स्पष्ट केलं की, हे त्यांचे महाजनांना थेट आव्हान आहे.
‘अर्ध्या खात्याचे मंत्री’ म्हणत टोला
एकनाथ खडसेंनी गिरीश महाजनांना विकासाच्या मुद्द्यावरूनही लक्ष्य केलं. “महाजनांनी जिल्ह्यात कोणतं मोठं विकासाचं काम केलं?” असा सवाल करत, महाजन हे फक्त ‘अर्ध्या खात्याचे मंत्री’ असल्याचा खोचक टोला खडसेंनी लगावला. त्यांच्यात हिंमत असेल तर त्यांनी केलेल्या मोठ्या विकास कामाचं एकतरी उदाहरण दाखवावं, असं आव्हानही त्यांनी दिलं. जिल्ह्यात झालेली सर्व धरणं आपल्या कार्यकाळात पूर्ण झाल्याचा दावाही खडसेंनी केला.
मंगेश चव्हाणांच्या आरोपांना प्रत्युत्तर:
एकनाथ खडसे आणि गिरीश महाजन यांच्या वादात मंगेश चव्हाणांनी खडसेंच्या चारित्र्यावर आरोप केले होते. यावर खडसेंनी चव्हाणांना आव्हान दिलं आहे की, त्यांनी आपल्या आरोपांचा एकतरी पुरावा दाखवावा. जर पुरावा दिला, तर आपण राजकारणातून निवृत्ती घेऊ, असं थेट आव्हान खडसेंनी दिलं.
Khadse Challenges Mahajan: Property, Son’s Death Probe, Lodha Narco Test
महत्वाच्या बातम्या
- लोचटगिरीची हद्द… काँग्रेसचा नेता म्हणे, राहुल गांधी दुसरे आंबेडकर होऊ शकतात !
- Aparajita : बलात्कारविरोधी ‘अपराजिता विधेयक’ राज्यपालांनी परत पाठवले; कठोर शिक्षांवर केंद्र सरकारचे आक्षेप
- Bengaluru : बंगळुरू चेंगराचेंगरी; कुन्हा आयोगाने म्हटले- RCB, इव्हेंट कंपनी आणि राज्य क्रिकेट असोसिएशन जबाबदार
- महाराष्ट्राच्या इतिहासात 70 वर्षांमध्ये झाली नाही, एवढी गेल्या 150 दिवसांमध्ये बदनामी; सुप्रिया सुळेंच्या “जावईशोधाची” नोंद फडणवीस सरकारने गॅझेट मध्ये करावी!!