सुनेचे मारहाणीचे आरोप खासदार रामदास तडस यांनी फेटाळले; मुलगा, सुनेला म्हणाले माझ्याकडे राहायला या !

By, Vishal Joshi - September 8, 2021 12:30:51

0

माझा मुलगा आणि सूनबाई लग्नानंतर कुटुंबापासून वेगळे राहत आहेत. या सगळ्या प्रकरणात माझी काहीच भूमिका नाही. ही वैयक्तिक नवरा बायकोची भांडणं आहेत. यात राजकारण कुठून आलं, मला माहिती नाही, असे भाजपचे खासदार रामदास तडस यांनी सांगितले.

वृत्तसंस्था

वर्धा : वर्ध्याचे भाजपचे खासदार रामदास तडस यांच्या सुनेने आपल्यावर कुटुंबाकडून अन्याय होत असल्याचा आरोप केला. तसेच मारहाण होत असल्याचा दावाही केला. राष्ट्रवादीच्या महिला प्रदेशाध्यक्षा रुपाली चाकणकर यांच्याकडे तडस यांच्या सुनेने मदतीची मागणी केली असून तसा व्हिडीओ चाकणकरांनी ट्विट केला आहे. दरम्यान, रामदास तडस यांनी मारहाणीचे आरोप फेटाळताना मुलगा आणि सुनेची भांडणं आहेत, यात माझी काही संबंध नाही, उलट मी मध्यस्थाची भूमिका बजावल्याचे सांगितले आहे. BJP Wardha MP Ramdas tadas Denies Allegation Daughter in Law Pooja tadas

माझा मुलगा आणि सूनबाई लग्नानंतर कुटुंबापासून वेगळे राहत आहेत. या सगळ्या प्रकरणात माझी काहीच भूमिका नाही. ही वैयक्तिक नवरा बायकोची भांडणं आहेत. यात राजकारण कुठून आलं, मला माहिती नाही. मी दोघांच्या भांडणात मध्यस्थाची भूमिका निभावली. मी पूजाला आताही सून मानतो, पुढेही मानेन, दोघांनीही माझ्याकडे राहायला यावं, असे तडस म्हणाले.

रामदास तडस यांची नेमकी भूमिका काय?

“माझा मुलगा पंकज आणि पूजाचं लग्न झालं. लग्नाच्या सहा महिन्यानंतर दोघेही वर्ध्याला राहू लागले. काही काळानंतर पूजा माझ्या घरी राहायला आली. दरम्यान, पंकज आणि पूजाचं भांडणं झाले. माझ्या वडिलांना न विचारता आपण लग्न केले आहे. त्यावेळी आपलं असे ठरलं होतं की आपण वर्ध्याला रहायचं. मग आता तू त्यांना त्रास द्यायला त्यांच्याकडे का गेली, असं पंकजने पूजाला विचारले”

“ही भांडणं सुरु असताना मी वर्ध्याला होतो… मला घरुन फोन येताच मी तत्काळ पोलिसांना फोन लावून घटनेची माहिती दिली…. पोलिसांनी भांडणं सोडवली… मी देखील वर्ध्याहून घरी पोहोचलो… तोपर्यंत पंकज वर्ध्य़ाला निघून गेला होता… त्यानंतर पूजा माझ्याजवळ २ महिने राहिली. पण मी एकेदिवशी तिला सांगितलं की, अशी रुसून तू इथे किती दिवस राहणार आहे,… तू पंकजकडे वर्ध्याला जायला हवं…. ”

झारखंड विधानसभेत आता खास नमाज कक्ष, अध्यक्षांच्या निर्णयावर भाजपचे आमदार संतापले

“माझ्या बोलण्यानंतर ती वर्ध्याला न जाता तिच्या घरी गेली… आता याच्यात माझा कवडीचाही दोष नाही…. मी तिला माझी सून मानतो… इथून पुढेही मानेन… त्या दोघांनीही आमच्या घरी यावं… रहावं… हीच माझी इच्छा आहे…”, अशी प्रतिक्रिया रामदास तडस यांनी दिली.

पूजा तडस यांनी व्हिडीओत नेमकं काय म्हटलंय?

रुपाली चाकणकर यांनी अकाऊंटवरुन व्हिडीओ ट्विट केला आहे. हा व्हिडीओ भाजपचे खासदार रामदास तडस यांच्या सून पूजा यांचा असल्याचा दावा चाकणकर यांचा आहे. हा केवळ १२ सेकंदांचा व्हिडीओ आहे. या व्हिडीओतील महिला म्हणते, “मी पूजा, रुपालीताई चाकणकर यांना मदत मागतेय, माझ्या जीवाला धोका आहे इथे, मॅडम प्लीज मला इथून घेऊन चला. मी रिक्वेस्ट करते”

रामदास तडस यांना अटक करा : चाकणकर

मला आज सकाळी लवकरच पूजाचा फोन आला. फोनवर त्या रडत होत्या. माझ्याकडे मदतीची मागणी त्या करीत होत्या. त्यानंतर मला त्यांनी सविस्तर प्रकरण सांगितलं. गेले अनेक दिवस रामदास तडस, त्यांचा मुलगा आणि तडस कुटुंबीय तिला मारहाण करत आहेत. तिच्या जीवाला धोका असल्याचं तिने मला सांगितलं. तसंच मला इथून घेऊन चला, अशी विनवणी माझ्याकडे केली आहे. राष्ट्रवादीचे पदाधिकारी त्यांच्या मदतीसाठी तत्काळ रवाना झाले आहेत. त्यांची सर्वोतोपरी मदत केली जाईल. यासंदर्भात नागपूर पोलीस आयुक्तांशी माझं बोलणं सुरु आहे. सरकार आणि पोलिसांच्या वतीने देखील तत्काळ अॅक्शन घेतली जाईल…

परंतु झालेला प्रकार अतिशय निंदनीय आहे. रामदास तडस आणि कुटुंबीयांच्याविरोधात तातडीने गुन्हा दाखल करुन त्यांना अटक करावी, अशी मागणी रुपाली चाकणकर यांनी केलीय.

वर्धा भाजप खासदार रामदास तडस यांच्या सुन यांना गेली अनेक दिवस हे तडस कुटूंब मारहाण करून अत्याचार करीत आहेत.पुजाचा आताच हा व्हिडीओ माझ्यापर्यंत आला, तातडीने पोलीस आयुक्तांशी संपर्क साधला आहे. माझ्या पदाधिकारी व पोलिस सरंक्षणासाठी पोहचले आहेत.
– रुपाली चाकणकर, महिला प्रदेशाध्यक्षा, राष्ट्रवादी काँग्रेस